ആരോഗ്യമെന്നാല് ശാരീരികവും മാനസികവുമായ ആരോഗ്യം ഒത്തുചേര്ന്നതാണ്. ശാരീരിക ആരോഗ്യത്തിന് യോഗാഭ്യാസം ഏറെ ഗുണം ചെയ്യുമെന്ന് ആചാര്യന്മാര് പറയുന്നു.
യോഗാസനം ചെയ്യുമ്പാള് ചില കാര്യങ്ങള് പ്രത്യേകം ശ്രദ്ധിക്കേണ്ടതാണ്. ഒന്നാമത് യോഗാസനത്തില് ശ്വസനത്തിന് ഏറെ പ്രാധാന്യമുണ്ട്. ശ്വസനം കൃത്യമായി ചെയ്യണം. ശരീരത്തിന് ബുദ്ധിമുട്ട് തോന്നിയാല് അപ്പോള്തന്നെ ആ യോഗാസന മുറ അവസാനിപ്പിക്കാം.
ആസനത്തില് പറഞ്ഞിരിക്കുന്ന അത്രയും വളയാനും മറ്റും കഴിഞ്ഞില്ലെങ്കില് പറ്റുന്നത്ര മാത്രം വളയുക. ഇത്തരം ചില കാര്യങ്ങള് യോഗാസനം ചെയ്യുമ്പോള് ശ്രദ്ധിക്കേണ്ടതാണ്.
പൂര്വോത്തനാസനം
നടുവ് വേദനയകറ്റാനും നട്ടെല്ലിന് ബലം നല്കാനും ഏറ്റവും ഉത്തമമായ യോഗാസന മുറയാണ് പൂര്വോത്തനാസനം. ഇതോടൊപ്പംതന്നെ ഈ ആസനം കൈക്കുഴ, കൈകള്, തോളുകള്, പുറം, നട്ടെല്ല് എന്നിവയ്ക്ക് ബലം നല്കാനും സഹായിക്കുന്നു.
സന്ധികളെ ചലനാത്മകമാക്കി മാറ്റാനും നാഡീവ്യൂഹത്തെ പ്രസരിപ്പുള്ളതാക്കാനും കഴിയുന്നു.
ചെയ്യുന്ന വിധം
1. നിലത്തിരുന്ന് കാലുകള് നിവര്ത്തി കൈകള് പിന്നില് നിലത്തുറപ്പിക്കുക. കൈവിരലുകള് പിന്ഭാഗത്തേക്ക് തിരിഞ്ഞിരിക്കണം.
2. ശ്വാസം എടുത്തുകൊണ്ട് അരക്കെട്ട് കഴിയുന്നത്ര ഉയര്ത്തുക.
3. ഈ സമയത്ത് പാദങ്ങള് ചേര്ന്നിരിക്കണം, നിലത്ത് പതിഞ്ഞിരിക്കണം. അടുത്തതായി തല പിറകിലേക്ക് താഴ്ത്തിയിടുക.
4. ഇങ്ങനെ പല പ്രാവശ്യം ചെയ്യുക. പിന്നീട് നിലയില് നിന്ന് പുറത്ത് വന്ന് ഇരിക്കുക. കൈക്കുഴകള് കുടയുക. ശവാസനത്തില് വിശ്രമിക്കുക.
ഇത് എല്ലാദിവസവും ചെയ്യുന്നത് നട്ടെല്ലിന്റെ ആരോഗ്യത്തിനും നടുവ് വേദന മാറുന്നതിനും സഹായകരമാണ്. ആമാശയം, ഗള്ബ്ലാഡര്, ലിവര്, പ്ലീഹ, പാന്ക്രിയാസ് എന്നിവയിലേക്കുള്ള രക്തപ്രവാഹം കൂടാന് പൂര്വ്വോത്തനാസനം സഹായിക്കുന്നു.
ഡോ.ദിവ്യ
ഡോ.ദിവ്യാസ് ഹോമിയോപ്പതിക് സ്പെഷ്യാലിറ്റി
ക്ലിനിക്, ഐ.സി.സി.ഐ.ബാങ്ക്
റ്റി.റ്റി.സി.ജംഗ്ഷന്, കവടിയാര്, തിരുവനന്തപുരം - 695003
0471 6066222, 8593056222
