പൃഥ്വിരാജിനെ കേന്ദ്രകഥാപാത്രമാക്കി ജീന് പോള് ലാല് സംവിധാനം ചെയ്യുന്ന ചിത്രമാണ് െ്രെഡവിംഗ് ലൈസന്സ്. ചിത്രത്തിന്റെ വര്ക്കുകള് നടക്കുകയാണ്. ഇപ്പോള് ചിത്രത്തില് പൃഥ്വിരാജിന് പകരം മമ്മൂട്ടിയായിരുന്നു നായകനായി എത്തേണ്ടിയിരുന്നതെന്ന് തുറന്നു പറയുകയാണ് ജീന് പോള് ലാല്. 'സില്ലി മോങ്ക്സ് മലയാളത്തി'ന് നല്കിയ അഭിമുഖത്തിലാണ് സംവിധായകന് ഇക്കാര്യം തുറന്ന് പറഞ്ഞത്.
'' വര്ഷങ്ങള്ക്ക് മുന്പേ ഞാന് പ്ലാന് ചെയ്തിരുന്ന സിനിമയായിരുന്നു െ്രെഡവിങ് ലൈസന്സ്' 'ഹായ് ഐ ആം ടോണി'ക്ക് ശേഷം ആരംഭിക്കണമെന്ന് ഉദ്ദേശിച്ച സിനിമയായിരുന്നു. സിനിമ വൈകിയതിന്റെ കാരണം മമ്മൂട്ടിയുടെ ഡേറ്റ് പ്രശ്നങ്ങള് ആയിരുന്നു. സിനിമയില് മമ്മൂക്കയും പപ്പയും (ലാല്) ആയിരുന്നു പ്രധാന കഥാപാത്രങ്ങളെ അവതരിപ്പിക്കേണ്ടത്. എന്നാല് അത് പിന്നീട് പൃഥ്വിരാജിലേക്കും സുരാജ് വെഞ്ഞാറമൂടിലേക്കും മാറുകയായിരുന്നു. ഈ സമയത്താണ് ഹണീ ബി 2 ചെയ്യുന്നത്.
മമ്മൂക്കയുടെ ഡേറ്റ് ഇഷ്യൂ കാരണമാണ് സിനിമ ആദ്യം തുടങ്ങാതെ പോയത്. ആ ടൈമില് മമ്മൂക്കയ്ക്ക് രണ്ട് നായകന്മാര് ഉള്ള പടത്തില് അഭിനയിക്കാനുള്ള താല്പര്യമില്ലായിരുന്നു. ക്ലൈമാക്സ് സീനിനോട് അടുത്തപ്പോഴാണ് മമ്മൂക്കയ്ക്ക് അത് ഇഷ്ടപ്പെടാതെ വന്നത്. അങ്ങനെ വന്നപ്പോള് ഒന്നുകില് കഥ മാറ്റുക, അല്ലെങ്കില് ആളെ മാറ്റുക എന്ന സാധ്യത മാത്രമാണ് മുന്പിലുണ്ടായിരുന്നത്. മമ്മൂക്ക തന്നെ പിന്നീട് ഒഴിവാകുകയായിരുന്നു. അതുകൊണ്ട് കഥ മാറ്റേണ്ടി വന്നില്ല കഥയില് എനിക്ക് വിശ്വാസമുണ്ട്'' ജീന് പറഞ്ഞു. ജീന് പോള് ലാലിന്റെ നാലാമത്തെ സിനിമയാണ് െ്രെഡവിംഗ് ലൈസന്സ്. ഹണീ ബി, ഹായ് ആം ടോണി, ഹണീ ബി 2 എന്നീ ചിത്രങ്ങളാണ് ലാല് ജൂനിയര് മുന്പ് സംവിധാനം ചെയ്ത ചിത്രങ്ങള്.
