നടനും സംവിധായകനുമായ ഭാഗ്യരാജിന്റെ വാക്കുകളാണ് വലിയ വിവാദങ്ങള്ക്ക് വഴിയൊരുക്കിയിരിക്കുന്നത്. മൊബൈല് ഫോണിന്റെ കടന്നുവരവോടെ സ്ത്രീകള്ക്ക് ആത്മനിയന്ത്രണം നഷ്ടപ്പെട്ടുവെന്ന് ഭാഗ്യരാജ് പറഞ്ഞു. ലൈംഗിക കുറ്റകൃത്യങ്ങളില് ഇരകളായ സ്ത്രീകളും ഒരേപോലെ ഉത്തരവാദികളാണെന്നും അദ്ദേഹം പറഞ്ഞു. ഒരു തമിഴ് ചിത്രത്തിന്റെ മ്യൂസിക് ലോഞ്ചുമായി ബന്ധപ്പെട്ട പരിപാടിക്കിടെയായിരുന്നു ഭാഗ്യരാജിന്റെ പരാമര്ശം.
സംഭവിക്കാന് അനുവദിക്കുമ്പോള് സ്ത്രീ തെറ്റുകാരിയായി മാറുകയാണ്. സ്ത്രീകള്ക്ക് നിയന്ത്രണം ഏര്പ്പെടുത്തുകയാണ് ഇതിന് ഒരു പോംവഴി. മുന്പ് സ്ത്രീകള്ക്ക് ഇത്തരത്തില് നിയന്ത്രണങ്ങള് ഉണ്ടായിരുന്നു. അടുത്ത കാലത്തായി സ്ത്രീകളുടെ നിയന്ത്രണം പൂര്ണമായി നഷ്ടപ്പെട്ടു. ഇതിന് മൊബൈല് ഫോണിനോടാണ് കടപ്പെട്ടിരിക്കുന്നത്. തെറ്റുകള് സംഭവിക്കാനുളള സാഹചര്യം ഒരുക്കുന്നത് സ്ത്രീകളാണ്. അവര് നല്ലരീതിയില് പെരുമാറിയാല് ഇതൊന്നും സംഭവിക്കില്ലെന്നും ഭാഗ്യരാജ് അഭിപ്രായപ്പെട്ടു.
ആണുങ്ങളെ മാത്രം എല്ലായ്പ്പോഴും കുറ്റം പറയാന് സാധിക്കില്ല. തങ്ങളുടെ ദൗര്ബല്യങ്ങളെ മുതലെടുക്കാന് പുരുഷന്മാര്ക്ക് അവസരം നല്കുന്നത് സ്ത്രീകള് തന്നെയാണ്. പുരുഷന്മാരുടെ അവിഹിത ബന്ധങ്ങളെ ന്യായീകരിച്ച താരം, സ്ത്രീകളുടെ അവിഹിത ബന്ധങ്ങള് ഭര്ത്താവിനെ കൊലപ്പെടുത്തുന്നതിലേക്ക് വരെ എത്തുമെന്നും അഭിപ്രായപ്പെട്ടു.
താനൊരു കൂട്ടു കുടുംബ വ്യവസ്ഥയില് നിന്ന് വന്ന വ്യക്തിയായതുകൊണ്ടാണ് തന്റെ സിനിമകളില് സ്ത്രീകള്ക്ക് 'അറിയാതെ' പ്രാധാന്യം നല്കിയതെന്നും ഭാഗ്യരാജ് പറഞ്ഞു.
