ജയിലുകളിലെ പശു വളര്ത്തലിനെ പ്രോത്സാഹിപ്പിക്കണമെന്ന ആവശ്യവുമായി ആര്എസ്എസ് മേധാവി മോഹന് ഭാഗവത്. തടവുകാര് പശുക്കളെ പരിപാലിക്കുന്നതിലുടെ അവരുടെ ക്രിമിനല് മനോഭാവം കുറയ്ക്കുന്നുവെന്നും മോഹന് ഭാഗവത് അഭിപ്രായപ്പെട്ടു. തടവുകാരിലെ ശുഭകരമായ മാറ്റങ്ങള് ജയില് അധികൃതരാണ് വെളിപ്പെടുത്തിയതെന്നും അദേഹം പറഞ്ഞു.
പശു മനുഷ്യനെ രോഗങ്ങളില് നിന്നും സംരക്ഷിക്കുകയും ഹൃദയം പുഷ്പം പോലെ മൃദുലവാക്കുകയും ചെയ്യുന്നുവെന്നും അദേഹം അഭിപ്രായപ്പെട്ടു. പശു പ്രപഞ്ചത്തിന്റെ മാതാവാണെന്നും മണ്ണിനെ പരിപോഷിപ്പിക്കുന്നുവെന്നും അദേഹം പറയുന്നു. പശു വളര്ത്തല് പദ്ധതി ജയിലുകളില് വ്യാപിക്കണമെന്ന ആവശ്യവും ആര്എസ്എസ് മേധാവി മുന്നോട്ടുവെച്ചു. പൂനെയില് നടന്ന ഒരു ചടങ്ങിനിടെയാണ് ആര്എസ്എസ് മേധാവി ഇത്തരത്തില് പ്രസ്താവന നടത്തിയത്.അതേസമയം പശുക്കളുടെ പ്രാധാന്യത്തെക്കുറിച്ചുള്ള ശാസ്ത്രീയ വിവരങളങള് ജനങ്ങളില് എത്തിക്കണമെന്നും അദേഹം കൂട്ടിച്ചേര്ത്തു.
