തിരുവനന്തപുരം: കോടതിക്കെതിരെ തെറ്റായി ഒന്നും പറഞ്ഞിട്ടില്ലെന്ന വിശദീകരണവുമായി മന്ത്രി ജി. സുധാകരന്. തന്റെ പ്രസംഗത്തിലെ ചില ഭാഗങ്ങള് മാത്രം അടര്ത്തിയെടുത്ത് തെറ്റായ പ്രചാരണം നടത്തുകയാണെന്നും ഫെയ്സ്ബുക്ക് പോസ്റ്റില് മന്ത്രി പറഞ്ഞു.
പ്രസംഗ വീഡിയോ ഉള്പ്പെടെ പങ്കുവെച്ചുകൊണ്ടാണ് മന്ത്രിയുടെ വിശദീകരണം. സംസ്ഥാന സര്ക്കാരിനെ വിമര്ശിച്ച ഹൈക്കോടതിക്കുള്ള മന്ത്രിയുടെ മറുപടി പ്രസംഗമാണ് വിവാദമായത്.
റോഡിലെ കുഴിയില് വീണ് ബൈക്ക് യാത്രികന് മരിച്ചതില് ഒന്നാകെ കുറ്റശപ്പടുത്തുന്നത് ശരിയല്ല. കുഴിയടയ്ക്കാനുള്ള ഉത്തരവാദിത്തം എല്ലാവര്ക്കുമുണ്ട്. കോടതികളില് കേസുകള് കെട്ടിക്കിടക്കുന്നത് ജഡ്ജിമാരുടെ കുറ്റംകൊണ്ടാണെന്ന് പറയാനാകുമോയെന്നായിരുന്നു സുധാകരന്റെ വാക്കുകള്. കോടതികളില് സ്റ്റാഫും ജഡ്ജിമാരും കുറവാണ്. അതുകൊണ്ട് കേസുകള് കെട്ടിക്കിടക്കുന്നത് ജഡ്ജിമാരുടെ കുറ്റമായി കാണാനാകുമോ എന്ന ചോദ്യവും മന്ത്രി ഉയര്ത്തിയിരുന്നു.
