ചെന്നൈ: വെസ്റ്റ്ഇന്ഡീസിന് എതിരായ ഏകദിന പരമ്പരയിലെ ആദ്യ മത്സരത്തില് ആദ്യം ഇന്ത്യ ബാറ്റ് ചെയ്യും. ടോസ് നേടിയ വെസ്റ്റ്ഇന്ഡീസ് നായകന് കെയ്റോണ് പൊള്ളാര്ഡ് ബൗളിംഗ് തിരഞ്ഞെടുക്കുകയായിരുന്നു. രണ്ട് സ്പിന്നര്മാരെ ഉള്പ്പെടുത്തിയാണ് ടീം ഇന്ത്യ കളത്തിലിറങ്ങുക. കേദാര് ജാദവ് ടീമില് മടങ്ങിയെത്തി. മനീഷ് പാണ്ഡെ, മയങ്ക് അഗര്വാള്, യുസ്വേന്ദ്ര ചാഹല്, ഷര്ദുല് താക്കൂര് എന്നിവര് ഇന്ന് കളിക്കാനായി ഇറങ്ങില്ല.
ലോകേഷ് രാഹുല്, രോഹിത് ശര്മ, വിരാട് കോഹ്ലി, ശ്രേയസ് അയ്യര്, ഋഷഭ് പന്ത്, കേദാര് ജാദവ്, ഷിവം ദൂബെ, ദീപക് ചാഹര്, കുല്ദീപ് യാദവ്, മുഹമ്മദ് ഷമി, രവീന്ദ്ര ജഡേജ എന്നിവരാണ് ആദ്യ ഏകദിനത്തില് ഇന്ത്യയ്ക്കായി കളത്തിലിറങ്ങുക.
വിന്ഡീസിനായി ഷായ് ഹോപ്, സുനില് ആംബ്രിസ്, ഹെറ്റ്മെയര്, നിക്കോളാസ് പൂരന്, റോസ്റ്റണ് ചേസ്, കെയ്റോണ് പോള്ളാര്ഡ്, ജേസണ് ഹോള്ഡര്, കാമോ പോള്, ഹെയ്ഡെന് വാല്ഷ്, അല്സാരി ജോസഫ്, ഷെല്ഡോണ് കൊട്ടേറല് എന്നിവരാണ് വിന്ഡീസിനായി കളിക്കുക.
പൊതുവെ സ്പിന്നര്മാരെ പിന്തുണയ്ക്കുന്നതാണ് ചെപ്പോക്കിലെ പിച്ച്. ബാറ്റ്സ്മാന്മാര്ക്ക് പിച്ച് വെല്ലുവിളിയാവുമെന്നാണ് കരുതുന്നത്.
