ന്യൂഡല്ഹി: കശ്മീര്, പൗരത്വ ഭേദഗതി ബില്, ദേശീയ പൗരത്വ റജിസ്റ്റര് ഇന്ത്യയില് വന് പ്രതിഷേധങ്ങള്ക്ക് കളമൊരുക്കിയ അനേകം നിയമങ്ങള് പാര്ലമെന്റിലെ ഇരു സഭകളിലും പാസ്സാക്കിയ ബിജെപിയ്ക്ക് വരും കാലം ഒട്ടും ആശാവഹമല്ല. ലോക്സഭയില് കാര്യമായ ഭൂരിപക്ഷമുണ്ടെങ്കിലൂം രാജ്യസഭയിലെ ഭൂരിപക്ഷം എന്നും അകന്നു നില്ക്കുന്ന ബിജെപിയ്ക്ക് ഇനിയും കാര്യങ്ങള് അത്ര ആശാവഹമാകില്ല.
ഭരണത്തിലിരുന്ന പല സംസ്ഥാനങ്ങളിലും നിയമസഭാ തെരഞ്ഞെടുപ്പുകളില് ഏറ്റ തിരിച്ചടി രാജ്യസഭയിലെ അവരുടെ എംപിമാരുടെ എണ്ണത്തിലും തിരിച്ചടിയാകും. 2020 ല് 69 സീറ്റുകളില് ഒഴിവ് വരുമെന്നിരിക്കെ അടുത്ത ലോക്സഭാ തെരഞ്ഞെടുപ്പ് വേളയില് ഭരണം നഷ്ടമായ സംസ്ഥാനങ്ങളില് നിന്നും രാജ്യസഭയില് എംപിമാരേ ബിജെപിയ്ക്ക് ഇല്ലാതാകും. ലോക്സഭയില് വലിയ മുന്തൂക്കമുണ്ടെങ്കിലും രാജ്യസഭയില് നിലവില് എന്ഡിഎയ്ക്ക് കാര്യമായ ഭൂരിപക്ഷിേല്ല. 2021 ല് ഭൂരിപക്ഷം നേടാമെന്ന രീതിയിലുള്ളതായിരുന്നു ബിജെപിയുടെ തന്ത്രം. എന്നാല് ഒരു വര്ഷത്തിനിടയില് അഞ്ചു സംസ്ഥാനങ്ങള് കൈവിടേണ്ടി വന്നത് തിരിച്ചടിയായി.
ഭരിച്ചുകൊണ്ടിരുന്ന ഝാര്ഖണ്ഡിലാണ് ബിജെപിയ്ക്ക് ഒടുവില് തിരിച്ചടി കിട്ടിയത്. നിലവില് രാജ്യസഭയില് ആറ് സീറ്റുകളുള്ള ഝാര്ഖണ്ഡില് മൂന്ന് പേര് മാത്രമാണ് ബിജെപിയ്ക്ക് ഉള്ളത്. കോണ്ഗ്രസിന് രണ്ടും രാഷ്ട്രീയ ജനതാദളിന് ഒന്നുമാണ് സീറ്റുകള്. വ്യവസായി പരിമള് നാഥ് വാനിക്കാണ് ഒരു സീറ്റ്. 2020, 2022, 2024 എന്നീ വര്ഷങ്ങളില് രണ്ടു വീതം ഒഴിവു വരുമെന്നാണ് വിലയിരുത്തലെങ്കിലും അതില് ഒരു സീറ്റിലും നിലവിലെ സാഹചര്യത്തില് ബിജെപിയ്ക്ക് വരാനാകില്ല. അടുത്ത വര്ഷം രാജ്യസഭയില് വരുന്നത് 69 സീറ്റുകളാണ്.
ഉത്തര്പ്രദേശില് ഒമ്പത്, മഹാരാഷ്ട്രയില് എട്ട്, തമിഴ്നാട്ടില് ആറ്, ബംഗാളില് അഞ്ച്, ബീഹാറില് അഞ്ച്, കര്ണാടകയിലും ഗുജറാത്തിലും നാലു വീതം. ഒഡീഷ, രാജസ്ഥാന് എന്നിവിടങ്ങളില് മൂന്ന് വീതവും. ഒട്ടേറെ സംസ്ഥാനങ്ങളാണ് ഇതില് നഷ്ടമായത്.
