ജയ്പൂര്: രാജസ്ഥാനിലെ കോട്ടയിലെ സര്ക്കാര് ആശുപത്രിയില് നവജാത ശിശുക്കള് മരിച്ച സംഭവത്തില് പ്രതികരണവുമായി മുഖ്യമന്ത്രി അശോക് ഗെഗേലാട്ട്. കോട്ടയില് കഴിഞ്ഞ ആറു വര്ഷത്തിനിടെ നവജാത ശിശുക്കളുടെ ഏറ്റവും കുറവ് മരണനിരക്ക് റിപ്പോര്ട്ട് ചെയ്തത് ഈ വര്ഷമാണ്. എന്നാല് ഈ വര്ഷം 900 ആണ് കണക്കുകള്, സംഭവത്തില് നടപടി സ്വീകരിച്ചു വരികയാണെന്നും അദേഹം പറഞ്ഞു.
മരണം നിര്ഭാഗ്യകരമാണ്. എന്നാല് സംഭവത്തില് അസ്വാഭാവികത ഒന്നുമില്ല. രാജ്യത്തെ എല്ലാ ആശുപത്രികളിലും എല്ലാ സംസ്ഥാനങ്ങളിലും ഇത്തരത്തില് മരണങ്ങള് നടക്കുന്നുണ്ടെന്നും വാര്ത്ത ഏജന്സിയായ എഎന്ഐയോട് ഗെഗോട്ട് വ്യക്തമാക്കി.
മരണ കണക്കുകള് പുറത്തുവന്നതോടെ അന്വേഷണം നടത്തി 48 മണിക്കൂറിനുള്ളില് റിപ്പോര്ട്ട് സമര്പ്പിക്കാനാണ് മുഖ്യമന്ത്രി നിര്ദേശം നല്കിയിരിക്കുന്നത്. അന്വേഷണത്തിനായി പ്രത്യേക അന്വേഷണ സമിതിയേയും ചുമതലപ്പെടുത്തിയിട്ടുണ്ട്. അതേസമയം രണ്ടു ദിവസത്തിനിടെ പത്തു കുട്ടികള് മരിക്കാനിടയായ സംഭവത്തില് അസ്വാഭാവികത ഇല്ലെന്നും ജെ.ജെ ലോണ് ആശുപത്രി സൂപ്രണ്ട് എച്ച്. എല് മീര പറഞ്ഞു.
