ന്യൂഡല്ഹി : ഇന്ത്യന് ടീമിന്റെ ഒപ്പം എപ്പോഴും ഒരു കള്ളനുണ്ട്. പറഞ്ഞാല് ആരും വിശ്വസിക്കില്ല. എന്നാല് സംഭവം സത്യമാണ്. പക്ഷേ പണമോ മറ്റ് വിലപിടിപ്പുള്ള മറ്റ് സാധനങ്ങളോ അല്ല കക്ഷി മോഷ്ട്ടിക്കാറ്. ക്യാപ്റ്റന് വിരാട് കോഹ്ലിയടെയും വൈസ് ക്യാപ്റ്റന് രോഹിത് ശര്മയുടെയും ബാറ്റുകളാണ്.
ഇന്ത്യയുടെ സ്പിന്നര് യുസ്വേന്ദ്ര ചാഹലാണ് ആ കള്ളന്. താന് കോഹ്ലിയുടെയും രോഹിത്തിന്റെയും ബാറ്റുകള് മോഷ്ടിക്കുന്ന കാര്യം വെളിപ്പെടുത്തിയത്. ഒരു സ്വകാര്യ ചാനലിലെ കപില് ശര്മ ഷോയില് പങ്കെടുത്ത് സംസാരിക്കുകയായിരുന്നു ചാഹല്. ചാഹലിനൊപ്പം ഇന്ത്യയുടെ മറ്റൊരു സ്പിന്നര് കൂടിയായിരുന്ന പീയുഷ് ചൗളയും ഉണ്ടായിരുന്നു.
അത് സത്യമാണ്. ബാറ്റിങ് കഴിവ് അനുസരിച്ചാണ് ഓരോ കളിക്കാര്ക്കഒം ബാറ്റുകള് നല്കുന്നത്. അതില് ഏറ്റവും കുറവ് ഭാരമുള്ള ബാറ്റ് ആരുടേതെന്നാണ് ഞാന് നോക്കുക. എന്നിട്ട് അവരുടെ ബാറ്റാകും ഞാന് ഉപയോഗിക്കുക. ഇപ്പോള് ടീം അംഗങ്ങള്ക്ക് അറിയാം ഭാരം കുറവുള്ള ബാറ്റ് ഉണ്ടെങ്കില് ഞാന് എടുക്കുമെന്ന്. ചാഹല് പറഞ്ഞു. ഇത്തരത്തില് പരിശീലന സമയത്തും കളിയുള്ള സമയത്തും കോഹ്ലിയുടെയും രോഹിത്തിന്റെയും ബാറ്റുകള് താന് എടുത്തിട്ടുണ്ടെന്നും ചാഹല് പറഞ്ഞു.
ബാറ്റ്സ്മാനായി കരിയര് തുടങ്ങിയ താരമാണ് ചാഹല്. 2009 ല് തന്റെ അവസാന അണ്ടര് 19 സീസണില് വിക്കറ്റ് വേട്ടയില് ഒന്നാമതെത്തിയ ചാഹല് ഹിമാചലിനെതിരെ സെഞ്ച്വറി അടക്കം 300 റണ്സ് സ്വന്തമാക്കി.
