ലണ്ടന്: കൗമാരക്കാര് മുതല് നവജാത ശിശുക്കളെ വരെ ലൈംഗിക പീഡനത്തിന് ഉപയോഗപ്പെടുത്തിയ ബ്രിട്ടനിലെ ഏറ്റവും നീചനായ ബാല പീഡകനെ കൊലപ്പെടുത്തിയതും ക്രൂരമായിട്ട്. ഗിറ്റാറിന്റെ കമ്പി കഴുത്തില് മുറുക്കിയും വായിലൂടെ ഗര്ഭനിരോധന ഉറകള് തൊണ്ടയ്ക്കുള്ളില് കുത്തിനിറച്ചും ശ്വാസം മുട്ടിച്ചായിരുന്നു കൊലപാതകം. ഇതിന് മുമ്പായി ഇയാളെ കത്തിക്ക് കുത്തുകയും ചെയ്തു. ബാലപീഡനത്തിന് തടവുശിക്ഷ അനുഭവിക്കുന്നതിനിടയിലാണ് ഇയാളെ സെല്ലിനുള്ളില് കൊല്ലപ്പെട്ട നിലയില് കണ്ടെത്തിയത്.
12 വയസ്സു മുതല് ആറുമാസം പ്രായത്തിലുള്ള 71 ലധികം കുട്ടികളെ ലൈംഗികമായി ദുരുപയോഗം ചെയ്തതിന് തടവുശിക്ഷയ്ക്ക് വിധിക്കപ്പെട്ട ജയിലില് കഴിയുകയായിരുന്ന റിച്ചാര്ഡ് ഹക്കിള് എന്ന 33 കാരനായിരുന്നു ദാരുണാന്ത്യം. കഴുത്തില് കുരുക്ക് മുറുക്കുന്നതിന് മുമ്പായി ശ്വാസം മുട്ടുന്ന വിധത്തില് അനേകം ഗര്ഭനിരോധന ഉറകള് വായ്ക്കുള്ളില് ഒരു തരം പേന ഉപയോഗിച്ച് കുത്തിത്തിരുകിയിരുന്നു. കത്തിക്കുള്ള കുത്തും ഏറ്റിരുന്നെങ്കിലും മരണം ഉണ്ടായത് ശ്വാസം മുട്ടിയായിരുന്നു. കൊലപാതകവുമായി ബന്ധപ്പെട്ട് ഒരാളെ അറസ്റ്റ് ചെയ്തിട്ടുണ്ട്.
കഴിഞ്ഞ വര്ഷം ഒക്ടോബര് 13 ന് യോര്ക്ക്ഷെയറിലെ എച്ച്എംപി ഫുള് സട്ടന് ജയിലിലെ സെല്ലിലാണ് റിച്ചാര്ഡ് ഹക്കിളിനെ മരണമടഞ്ഞ നിലയില് കണ്ടെത്തിയത്. ബാലപീഡനവുമായി ബന്ധപ്പെട്ട് 2016 ല് ഓള്ഡ് ബെയ്ലി കോടതി 22 വര്ഷത്തെ തടവുശിക്ഷ വിധിച്ചിരുന്നു. ആഷ്ഫോര്ഡ് കെന്റില് നിന്നുള്ള ഫ്രീലാന്സ് ഫോട്ടോഗ്രാഫറായ ഹക്കിള് താന് 191 ലധികം കൗമാരക്കാരെ ഇരയാക്കിയിട്ടുണ്ടെന്നാണ് മൊഴി നല്കിയത്. കുട്ടികളില് താന് നടത്തുന്ന ലൈംഗിക ഹീനകൃത്യങ്ങളുടെ ദൃശ്യങ്ങള് വില്പ്പന നടത്തുകയും ചെയ്തിരുന്നു. മലേഷ്യയിലും മറ്റുമുള്ള ദരിദ്രരായ കുട്ടികളായിരുന്നു ഇയാളുടെ പ്രധാന ഇരകള്.
2014 ല് കുടുംബത്തോടൊപ്പം ക്രിസ്മസ് ആഘോഷിക്കാനായി പോകുമ്പോള് ഗാറ്റവിക് വിമാനത്താളത്തില് നിന്നുമാണ് അറസ്റ്റിലായത്. യുകെയിലെ ദേശീയ ക്രൈം ഏജന്സിയെ ഓസ്ട്രേലിയന് അധികൃതര് നല്കിയ വിവരങ്ങളുടെ അടിസ്ഥാനത്തിലായിരുന്നു അറസ്റ്റ്. പിടിക്കപ്പെടുമ്പോള് കുട്ടികളെ എങ്ങിനെ ലൈംഗിപീഡനത്തിന് ഇരയാക്കാമെന്നും എങ്ങിനെ പിടിക്കപ്പെടാതിരിക്കാമെന്നുമുള്ള ഒരു ഗൈഡ് തയ്യാറാക്കുന്ന ജോലിയിലായിരുന്നു ഹക്കിള്. പോലീസ് പിടിച്ചെടുത്ത ഇയാളുടെ ലാപ്ടോപ്പില് നിന്നും 20,000 പരം ലൈംഗിക വീഡിയോകളും ചിത്രങ്ങളുമാണ് കണ്ടെത്തിയത്. ഇതിനൊപ്പം തുറക്കാന് കഴിയാത്ത അനേകം ഫയലുകളും ഉണ്ടായിരുന്നു.
ഇയാള് മുമ്പ് ക്രിസ്തീയ വിശ്വാസിയുമായിരുന്നു. തന്റെ ദുഷ്പ്രവര്ത്തികളെ മറയ്ക്കാനും ഇരകളെ പിടികൂടാനുമായി നല്ല ഭക്തനായി ബാപ്റ്റിസ്റ്റ് സഭയുമായി ചേര്ന്നായിരുന്നു പ്രവര്ത്തിച്ചിരുന്നത്. ക്രിസ്തീയ സമൂഹത്തിലെ കുട്ടികളെ പിടിക്കാനുള്ള ഉപാധിയാക്കുകയായിരുന്നു ഈ ഭക്തിയുടെ പിന്നാമ്പുറ ലക്ഷ്യം.
