ന്യൂഡഹി: ഷഹീന്ബാഗില് സമരക്കാര്ക്ക് നേരെ വെടിയുതിര്ത്തയാള് ആംആദ്മി പാര്ട്ടി പ്രവര്ത്തകനാണെന്ന ബിജെപിയുടെ ആരോപണത്തെ തള്ളി കപില് ഗുജ്ജാറിന്റെ പിതാവ്. തനിക്കോ തന്റെ കുടുംബത്തിനോ ആംആദ്മി പാര്ട്ടിയുമായി ഇതുവരെ ഒരു ബന്ധവും ഇല്ലെന്ന് വ്യക്തമാക്കിക്കൊണ്ട് പിതാവ് ഗാജേ സിംഗാണ് രംഗത്ത് വന്നിരിക്കുന്നത്. ഇപ്പോള് താന് ഒരു രാഷ്ട്രീയപാര്ട്ടിയിലും ഇല്ലെന്ന് പറഞ്ഞു.
2012 വരെ ബിഎസ്പിയിലാണ് പ്രവര്ത്തിച്ചിരുന്നതെന്നും വ്യക്തമാക്കി. അതേസമയം കപില് ഗുജ്ജാര് ആംആദ്മി പാര്ട്ടി പ്രവര്ത്തകനാണെങ്കില് അയാളെ 20 വര്ഷം ജയിലില് ഇടാനായിരുന്നു ഡല്ഹി മുഖ്യമന്ത്രിയും ആപ്പിന്റെ തലവനുമായ അരവിന്ദ് കെജ്രിവാളിന്റെ പ്രതികരണം. കപില് ഗുജ്ജറാറിന് ആംആദ്മി പാര്ട്ടിയുമായി ബന്ധം ആരോപിച്ച് ഗാന്ധി പ്രതിമയ്ക്ക് മുന്നില് ബിജെപി എംപി പര്വേശ് ശര്മ്മ പ്രതിഷേധിച്ചിരുന്നു. സ്വന്തം കുട്ടികള്ളെ നല്ല വിദ്യാഭ്യാസം ചെയ്യാന് വിടുന്ന കെജ്രിവാള് മറ്റുള്ള കുട്ടികളെ രാഷ്ട്രീയ നേട്ടത്തിനായി ഉപയോഗിക്കുകയാണ് എന്നായിരുന്നു ബിജെപി വക്താവ സാംബിത് പാത്രയുടെ ആരോപണം.
കഴിഞ്ഞ ദിവസം ബിജെപി നേതാക്കള് കെജ്രിവാളിനെ ഭീകരന് എന്ന് വിളിച്ചിരുന്നു. ഡല്ഹി തെരഞ്ഞെടുപ്പിനിടയിലായിരുന്നു ഇത്. എന്നാല് മക്കളെ ഭഗവത് ഗീത പഠിപ്പിച്ച് വളര്ത്തുന്നയാള് എങ്ങിനെ ഭീകരനാകും എന്ന് കെജ്രിവാളിന്റെ മകള് തിരിച്ചടിക്കുകയും ചെയ്തു. അതിരാവിലെ താനും സഹോദരനും മുത്തശ്ശനും മുത്തശ്ശിയോടുമൊപ്പം രാവിലെ ആറ് മണിക്ക് എഴുന്നേറ്റ് ഭഗവദ് ഗീത വായിക്കുമായിരുന്നു എന്ന് പറഞ്ഞു. രാഷ്ട്രീയം മോശം കാര്യമാണെന്ന് പറയാറുണ്ട്. പക്ഷേ ഇത് പുതിയ തരം താഴലാണെന്നും പറഞ്ഞു.
