മാഡ്രിഡ്: എല് ക്ലാസികോ പോരാട്ടത്തില് ബാഴ്സയെ തകര്ത്ത് റയല് മാഡ്രിഡ്. ബാഴ്സയെ എതിരില്ലാത്ത രണ്ടു ഗോളുകള്ക്ക് തകര്ത്ത് ലി ലിഗയില് മാഡ്രിഡ് ഒന്നാം സ്ഥാനത്തേയ്ക്ക് തിരിച്ചെത്തുകയും ചെയ്തു.
സാന്റിയാഗോ ബെര്ണാബ്യൂവില് നടന്ന പോരാട്ടത്തില് വിനിഷ്യസ് ജൂനിയര്, മാരിയാനോ ഡയസ് എന്നിവരാണ് റയലിനായി ഗോള്വല ചലിപ്പിച്ചത്. ആദ്യ പകുതിയില് ഗോള് രഹിതമായിരുന്ന പോരാട്ടം. ലയണല് മെസ്സിയുടെ അത്യുഗ്രന് ഷോട്ട് തയ്ബൂട്ട് കോര്ട്ടോയ്സ് തടയുകയും ചെയ്തതോടെ ബാഴ്സ പകച്ചു.
രണ്ടാം പകുതിയില് 71-ാം മിനിറ്റിലാണ് റയലിന്റെ വക ആദ്യ ഗോള് വീണത്. തുടര്ന്ന് ഗോളിനായി ദാഹിച്ച് ബാഴ്സയും കളംകൊഴുപ്പിച്ചു. സമനില ഗോളിനായുള്ള ബാഴ്സയുടെ പോരാട്ടം റയല് പ്രതിരോധ നിരയില് തട്ടി തകരുകയും ചെയ്തു. രണ്ടാം പകുതിയുടെ ഇഞ്ചുറി ടൈമിലാണ് മരിയാനോ റയലിനായി രണ്ടാമത് ഗോള്വല ചലിപ്പിച്ചത്. ഇതോടെ 26 കളികളില് നിന്ന് 56 പോയിന്റോടെ റയല് ടോപ് ഗിയറിലും 26 കളികളില് നിന്ന് 55 പോയിന്റുമായി ബാഴ്സ തൊട്ടുപിന്നിലും.
