ലഖ്നൗ: ഉന്നാവ് പെണ്കുട്ടിയുടെ പിതാവിന്റെ കൊലപാതകത്തില് ബി.ജെ.പി മുന് എം.എല്.എ കുല്ദീപ് സെന്ഗാറിന് പരമാവധി ശിക്ഷ നല്കണമെന്ന് സി.ബി.ഐ ഡല്ഹി ഹൈക്കോടതിയില്. കേസില് സെന്ഗാറും സഹോദരനും കുറ്റക്കാരനാണെന്ന് കഴിഞ്ഞയാഴ്ച ഡല്ഹി കോടതി വിധിച്ചിരുന്നു. ഏറെ വിവാദമായ കേസില് 11 പേരാണ് സി.ബി.ഐ കുറ്റപത്രത്തില് പ്രതികള്.
പെണ്കുട്ടിയെ ലൈംഗികമായി പീഡിപ്പിച്ച കേസില് സെന്ഗാര് ജീവപര്യന്തം തടവുശിക്ഷ അനുഭവിച്ചുവരികയാണ്. ഇതോടൊപ്പമാണ് പെണ്കുട്ടിയുടെ പിതാവിനെ കൊന്ന കേസില് വിചാരണ പുരോഗമിക്കുന്നത്. പെണ്കുട്ടിയുടെ പിതാവിനെ കൊന്ന കേസില് വിധി പറയാന് മാറ്റി. വെള്ളിയാഴ്ച കേസില് വിധി പറയും.
അതേസമയം പെണ്കുട്ടിയുടെ പിതാവിനെ കൊന്ന കേസില് തനിക്ക് നീതി നല്കണമെന്നും ഇല്ലെങ്കില് തന്നെ വധശിക്ഷയ്ക്ക് വിധിക്കണമെന്നും സെന്ഗാര് കോടതിയില് ആവശ്യപ്പെട്ടു. തനിക്കൊരു കാര്യം പറയാനുണ്ടെന്ന് പറഞ്ഞാണ് ഇയാള് കോടതിയോട് അഭ്യര്ത്ഥന നടത്തിയത്. അതേസമയം കേസിന്റെ വസ്തുതകളും സാഹചര്യ തെളിവുകളും പരിഗണിച്ചാണ് കോടതി ഈ നിഗമനത്തില് എത്തിയതെന്ന് ജസ്റ്റിസ് ധര്മ്മേഷ് ശര്മ്മ മറുപടി നല്കി.
