തിരുവനന്തപുരം: കൊറോണ വൈറസ് ഭീതിയുടെ പശ്ചാത്തലത്തില് കേരളത്തില് സര്വ്വീസ് നടത്തുന്ന 18 പ്രധാന തീവണ്ടി സര്വ്വീസുകള് റദ്ദാക്കി റയില്വേ. ഈ മാസം 31-ാം തീയതിവരെയാണ് തീവണ്ടികള് റദ്ദാക്കിയിരിക്കുന്നത്. തിരുവനന്തപുരത്ത് നിന്ന് മലബാര് ഭാഗത്തേക്ക് ഇനി മംഗളൂരു, മലബാര് എക്സ്പ്രസുകള് മാത്രമേ സര്വ്വീസ് നടത്തൂ.
തിരുവനന്തപുരം- കോഴിക്കോട് ജനശദാബ്ദി എക്സ്പ്രസ്, തിരുവനന്തപുരം- മംഗളൂരു മലബാര് എക്സ്പ്രസ്സ്, തിരുവനന്തപുരം- ചെന്നൈ സെന്ട്രല് എക്സ്പ്രസ്സ്, കോയമ്പത്തൂര്- മംഗളൂരു ഇന്റര്സിറ്റി എക്സ്പ്രസ്സ്, എറണാകുളം- ലോകമാന്യതിലക് തുരന്തോ എക്സ്പ്രസ്സ് എന്നിവയുടെ അങ്ങോട്ടും ഇങ്ങോട്ടുമുള്ള സര്വ്വീസുകള് റദ്ദാക്കി. എട്ട് പാസഞ്ചര് ട്രെയ്നുകളും റദ്ദാക്കിയിട്ടുണ്ട്.
റദ്ദാക്കിയിട്ടുള്ള ട്രെയ്നുകള്
12082 - തിരുവനന്തപുരം കണ്ണൂര് ജനശതാബ്ദി എക്സ്പ്രസ് (മുപ്പതാം തീയതി വരെ)
12081 - കണ്ണൂര് - തിരുവനന്തപുരം ജനശതാബ്ദി എക്സ്പ്രസ് (മുപ്പത്തിയൊന്നാം തീയതി വരെ)
22609/22610 - മംഗലാപുരം - കോയമ്പത്തൂര് ഇന്റര്സിറ്റി എക്സ്പ്രസ് അങ്ങോട്ടും ഇങ്ങോട്ടും (ഒന്നാം തീയതി വരെ)
16630/ 16629 - തിരുവനന്തപുരം - മംഗലാപുരം എക്സ്പ്രസ് അങ്ങോട്ടും ഇങ്ങോട്ടും (ഒന്നാം തീയതി വരെ)
12223/ 12224 - ലോകമാന്യതിലക് - എറണാകുളം തുരന്തോ എക്സ്പ്രസ് അങ്ങോട്ടും ഇങ്ങോട്ടും (ഒന്നാം തീയതി വരെ)
12698/ 12697 - തിരുവനന്തപുരം ചെന്നൈ പ്രതിവാര തീവണ്ടി അങ്ങോട്ടും ഇങ്ങോട്ടും (29-ാം തീയതി വരെ)
07327/ 07328 - ബീജാപൂര് - മംഗലാപുരം സ്പെഷ്യല് ട്രെയിന് അങ്ങോട്ടും ഇങ്ങോട്ടും (ഒന്നാം തീയതി വരെ)
06015/ 06016 - എറണാകുളം - വേളാങ്കണ്ണി പ്രതിവാര സ്പെഷ്യല് തീവണ്ടി അങ്ങോട്ടും ഇങ്ങോട്ടും
22207/ 22208 - ചെന്നൈ - തിരുവനന്തപുരം എസി ആഴ്ചയില് രണ്ട് തവണയുള്ള തീവണ്ടി (മാര്ച്ച് 31 വരെ)
റദ്ദാക്കിയ പാസഞ്ചര് ട്രെയ്നുകള്
1. 56737/ 56738 - സെങ്കോട്ടൈ - കൊല്ലം പാസഞ്ചര് (തിരികെയും)
2. 56740/ 56739/ 56744/ 56743/ 56333/ 56334 - കൊല്ലം - പുനലൂര് പാസഞ്ചര് (തിരികെയും)
