ഭോപ്പാല്: മധ്യപ്രദേശില് നാളെ വിശ്വാസ വോട്ടെടുപ്പ്. കമല്നാഥ് സര്ക്കാര് നാളെത്തന്നെ വിശ്വാസവോട്ടെടുപ്പ് നേരിടണമെന്ന് സുപ്രീം കോടതി അന്ത്യശാസനം നല്കി. നാളെ വൈകുന്നേരം അഞ്ച് മണിക്ക്് മുമ്പ് വിശ്വാസവോട്ട് നേരിടണമെന്നാണ് നിര്ദ്ദേശം. വിശ്വാസവോട്ടെടുപ്പ് എത്രയും വേഗം നടത്തണമെണന്ന് ആവശ്യപ്പെട്ട് ബി.ജെ.പി സുപ്രീം കോടതിയെ സമീപിച്ചിരുന്നു.
കൊവിഡ് 19ന്റെ സാഹചര്യത്തില് നിയമസഭാ സമ്മേളനം നീട്ടിവയ്ക്കാന് സ്പീക്കര് തീരുമാനിച്ചിരുന്നു. എന്നാല് കൊവിഡ് 19 മറയാക്കി നിയമസഭാ സമ്മേളനം നീട്ടിവയ്ക്കുന്നുവെന്ന് ആരോപിച്ചാണ് ബി.ജെ.പി സുപ്രീം കോടതിയെ സമീപിച്ചത്. ഇനിയും സമയം നീട്ടിക്കൊണ്ട് പോകുന്നത് കുതിരക്കച്ചവടത്തിന് വഴിയൊരുക്കുമെന്ന് സുപ്രീം കോടതിയും ആരോപിച്ചു.
വിശ്വാസവോട്ടെടുപ്പ് സമാധാനപരമായി നടത്തണമെന്ന് സുപ്രീം കോടതി നിര്ദ്ദേശിച്ചു. പരസ്യവോട്ടെടുപ്പാണ് നടത്തേണ്ടത്. വോട്ടെടുപ്പ് വീഡിയോയില് പകര്ത്തണം. സഭാ നടപടികള് തത്സമയം സംപ്രേക്ഷണം ചെയ്യമെന്നും സുപ്രീം കോടതി നിര്ദ്ദേശിച്ചിട്ടുണ്ട്.
ആറ് മന്ത്രിമാരടക്കം 22 കോണ്ഗ്രസ് എം.എല്.എമാര് കോണ്ഗ്രസ് പക്ഷത്തേക്ക് കൂറുമാറിയതോടെയാണ് മധ്യപ്രദേശിലെ കമല്നാഥ് സര്ക്കാര് പ്രതിസന്ധിയിലായത്.
