കൊച്ചി: ജില്ലാ ആശുപത്രികളില് ഐസൊലേഷനില് കഴിയുന്നവരുടെ സമ്പൂര്ണ സംരക്ഷണം ഉറപ്പുവരുത്തുന്നതിനുള്ള എല്ലാ മാര്ഗ്ഗങ്ങളും സ്വീകരിച്ചതായി ജില്ലാ അഡ്മിനിസ്ട്രേഷന് വകുപ്പ് അറിയിച്ചു. കളമശ്ശേരി മെഡിക്കല് കോളജും മൂവാറ്റുപുഴ ജനറല് ആശുപത്രിയും പൂര്ണമായും ഐസൊലേഷന് സെന്ററുകളാക്കിയിട്ടുണ്ട്. കളമശ്ശേരിയില് 30 വാര്ഡുകളും മൂവാറ്റുപുഴ ജനറല് ആശുപത്രിയില് 13 വാര്ഡുകളും പൂര്ണ്ണമായി സ്ജമാക്കിയിട്ടുണ്ട്. ഇത് യഥാക്രമം 40 ഉം 30ഉം ആക്കി ഉയര്ത്താനുള്ള നടപടികള് ആരംഭിച്ചിട്ടുണ്ടെന്ന് ജില്ലാ അഡ്മിനിസ്ട്രേഷന് ഓഫീസര് പറഞ്ഞു.
അടിയന്തിര സാഹചര്യങ്ങള് നേരിടാന് 113 ഐസൊലഷന് വാര്ഡുകള് പല ആശുപത്രികളിലായി സജ്ജമാക്കിയായും അറിയിച്ചു. കരുവേലിപ്പടി താലൂക്ക് ആശുപത്രിയില് 18, തൃപ്പൂണിത്തുറ താലൂക്ക് ആശുപത്രിയില് 20, ആലുവ ജില്ലാ ആശുപത്രിയില് 25, പെരുമ്പാവൂര് താലൂക്ക് ആശുപത്രിയില് 24, പറവൂര് താലൂക്ക് ആശുപത്രിയില് 26 എന്നിവയാണ് പുതുതായി ക്രമീകരിച്ചിട്ടുള്ള വാര്ഡുകള്
ഇതുകൂടാതെ 72 കോവിഡ് കെയര് സെന്ററുകളിലായി 1801 റൂമുകള് ക്രമീകരിച്ചിട്ടുണ്ട്. കൂടാതെ, വുമണ് ആന്റ് ചൈല്ഡ് ഡിപ്പാര്ട്ട്മെന്റിന്റെ നേതൃത്വത്തില് കലക്ടറേറ്റില് സാനിറ്റെസര് ബൂത്ത് ക്രമീകരിച്ചിട്ടുണ്ട്. വൈറ്റില ഹബ്ബില് അടുത്ത സാനിറ്റൈസര് ബൂത്ത് ക്രമീകരിക്കുമെന്ന് വുമണ് ആന്റ് ചൈല്ഡ് ഡിപ്പാര്ട്ട്മെന്റ്, ജില്ലാ പ്രൊജക്ട് ഓഫീസര് മായാ ലക്ഷ്മി പറഞ്ഞു.
