ന്യൂഡല്ഹി: നിസാമുദ്ദീന് മര്ക്കസില് നടന്ന മതസമ്മേളനത്തില് പങ്കെടുത്തവരില് മലയാളിയും. വെട്ടിപ്രം സ്വദേശി ഡോ. സലീമാണ് പങ്കെടുത്തത് പനിയെ തുടര്ന്ന് ഡല്ഹിയില് വെച്ച് മരണമടയുകയും ഡല്ഹിയില് തന്നെ സംസ്ക്കാരം നടത്തുകയും ചെയ്തതായിട്ടാണ് വിവരം. ഇദ്ദേഹത്തിനൊപ്പം ഉണ്ടായിരുന്ന മറ്റ് രണ്ടു മലായാളികള് ഇപ്പോള് നിരീക്ഷണത്തിലാണ്. വിവിധ സംസ്ഥാനങ്ങളില് നിന്നും വിദേശ രാജ്യങ്ങളില് നിന്നുമായി വന്നവര് രണ്ടായിരത്തോളം വരുമെന്നാണ് കണക്കാക്കുന്നത്.
പത്തനംതിട്ട സ്വദേശിക്കൊപ്പം ഉണ്ടായിരുന്ന പത്തനംതിട്ട ആനപ്പാറ സ്വദേശിയും തിരുവനന്തപുരം സ്വദേശി നിസാമുദ്ദീന് മൗലവിയുമാണ് നിരീക്ഷണത്തിലായ മറ്റു രണ്ടുപേര്. മതസമ്മേളനത്തില് 40 മലയാളികളെങ്കിലും പങ്കെടുത്തതായും ഇവര് ഇപ്പോഴും ഡല്ഹിയില് ഉണ്ടെന്നുമാണ് വിവരം. ചടങ്ങില് പങ്കെടുത്തവര്ക്ക് രോഗം സ്ഥിരീകരിച്ചതോടെ മര്ക്കസിന് സമീപത്ത് ഉള്ള ആള്ക്കാരും നിരീക്ഷണത്തിലായി.
ചടങ്ങില് പങ്കെടുത്തവരില് ഡല്ഹിയില് 24 പേരും തമിഴ്നാട്ടില് 16 പേരും ആന്ഡമാനില് നിന്നും ആറ്, ആന്ധ്രയില് നിന്നും ഒരാള്ക്കുമാണ് ഇതുവശര കോവിഡ് സ്ഥിരീകരിച്ചത്. പരിപാടിയില് പങ്കെടുത്ത 380 പേരെ തെലുങ്കാനയില് തിരിച്ചറിഞ്ഞു. ഇവരില് ഹൈദരാബാദ് ഉള്പ്പെടെ 12 ജില്ലകളില് നിന്നുള്ളവരുണ്ട്. ഹൈദരാബാദില് 180 ല് പരം ആള്ക്കാര് പ്രാര്ത്ഥനായോഗത്തില് സംബന്ധിച്ചിരുന്നു. യോഗത്തിന് ശേഷം ഇവര് ബസിലും ട്രെയിനിലുമായിട്ടാണ് നാട്ടിലെത്തിയത്. പ്രാഥമിക സമ്പര്ക്കത്തില് പെട്ടവരെല്ലാം നിരീക്ഷണത്തിലായി.
നിസാമുദ്ദീനിലെ ചടങ്ങുകള്ക്ക് ശേഷം ഇവിടെ പരിപാടിയില് പങ്കെടുത്ത വിദേശികള് ഉള്പ്പെടെയുള്ളവര് ഇന്ത്യയിലെ വിവിധ സംസ്ഥാനങ്ങളില് എത്തുകയും അവിടെ വിവിധ പള്ളികളില് പ്രാര്ത്ഥനകള് നടത്തുകയും ചെയ്തു. ഇങ്ങിനെയുള്ള സമ്പര്ക്കത്തില് ഈ റോഡിലെ മൂന്ന് പള്ളികളും അവിടുത്തെ ചടങ്ങില് പങ്കെടുത്തവരും നിരീക്ഷണത്തിലായിട്ടുണ്ട്. നിസാമുദ്ദീനില് നിന്നും എത്തിയവരുമായി സമ്പര്ക്കം പുലര്ത്തിയത് മുലം 1500 ഓളം പേര് ഈ റോഡില് നിരീക്ഷണത്തിലായി. 981 പേരെ തിിച്ചറിഞ്ഞിട്ടുണ്ട്. 600 പേരെ തിരിച്ചറിയാനുണ്ട്.
ഡല്ഹിയിലെ മതസമ്മേളനത്തില് പങ്കെടുത്ത മലേഷ്യയില് നിന്നുള്ളയാള് ചെന്നൈയിലും പ്രാര്ത്ഥനാ ചടങ്ങില് പങ്കെടുത്തു. കോയമ്പത്തൂരില് നിന്നും ആറുപേരും സേലത്ത് നിന്നും നാലുപേരും പങ്കെടുത്തതായി വിവരമുണ്ട്. ഇവരെല്ലാം വീടുകളില് തന്നെ നിരീക്ഷണത്തിലാകും. രോഗലക്ഷണങ്ങള് കാണിച്ചാല് മാത്രം ആശുപത്രിയിലേക്ക് മാറ്റും. നിസാമുദ്ദീനില് നിന്നും എത്തിയവര് നടത്തിയ പ്രാര്ത്ഥനയില് പങ്കെുടത്തയാളെ ചികിത്സിച്ച് ഒരു മലയാളി ഡോക്ടറും തമിഴ്നാട്ിടല് കോവിഡ് നിരീക്ഷണത്തിലാണ്.
