കൊല്ലം: പഴകാതിരിക്കാന് രാസവസ്തുക്കള് ചേര്ത്ത് കേരളത്തില് വില്പ്പനയ്ക്കായി കൊണ്ടു വന്ന 1500 കിലോ മത്സ്യം പിടിച്ചെടുത്തു കുഴിച്ചുമൂടി. ദിവസങ്ങള് പഴക്കമുള്ള കേരച്ചൂര ഇനത്തില് പെട്ട മീന് നീണ്ടകര ഹാര്ബറിലാണ് കുഴിച്ചു മുടിയത്. കേരളത്തിലെ മത്സ്യബന്ധന തൊഴിലാളികള് ബോട്ടുകളുമായി കടലില് പോകാത്തതിനെ തുടര്ന്ന് അയല് സംസ്ഥാനങ്ങളില് മാരകമായ രാസവസ്തുക്കള് ചേര്ത്ത മീനുകള് മകരളത്തിലേക്ക് വ്യാപകമായി അടുത്ത ദിവസങ്ങളില് എത്തുന്നുണ്ട്. നശിപ്പിക്കപ്പെട്ട മീനില് 5000 കിലോയോളം രാസവസ്തുക്കളാണ് ചേര്ത്തത്.
സമ്പൂര്ണ്ണ ലോക്ക് ഡൗണ് ആണെങ്കിലും അവശ്യ വസ്തുക്കള് കൊണ്ടുപോകുന്നതിന് തടസ്സമില്ലെന്ന കേന്ദ്ര സര്ക്കാരിന്റെ ഇളവ് മുതലെടുത്താണ് ദിവസങ്ങളോളം പഴക്കമുള്ളതും രാസവസ്തുക്കള് ചേര്ത്തതുമായ മീനുകള് തമിഴ്നാട്ടില് നിന്നും കേരളത്തില് എത്തിക്കുന്നത്. അതേസമയം തമിഴ്നാട്ടില് ഇറച്ചിക്കോ മീനിനോ ക്ഷാമമില്ല. ലോക് ഡൗണില് ആയ രണ്ടാമത്തെ ഞായറാഴ്ചയും ഇറച്ചി, മീന് കടകള്ക്ക് മുന്നില് തിരക്കാണ്. ആട്ടിറച്ചിക്കാണ് കൂടുതല് പ്രിയം. ഉപഭോക്താക്കള് ഏറിയതോടെ തമിഴ്നാട്ടില ആട്ടിറച്ചിക്ക് 1000 വരെയായി കിലോയ്ക്ക് വില.
കോഴിയിറച്ചിയുടെ വിലയും കൂടി. കോഴിവില 200 രൂപ വരെയായി. കൊറോണയുടെ പശ്ചാത്തലത്തില് കഴിഞ്ഞയാഴ്ച കോഴിവില കുറഞ്ഞിരുന്നെങ്കിലും വിലക്കുറവ് മുതലാക്കാന് ആള്ക്കാര് കൂടിയതോടെ വീണ്ടും വില കേറി. കോഴിയിറച്ചിയുടെ വില 100 രൂപയില് താഴെയെത്തിയിരുന്നു. എന്നാല് ആവശ്യക്കാര് ഏറിയതോടെ 160 180 രൂപ വരെയുമാണു വില. ആട്ടിറച്ചിട്ട വില കയറിയതും കോഴിക്ക് ആവശ്യക്കാര് കുടാന് കാരണമായി.
പല സ്ഥലത്തും മീന് കിട്ടാനില്ലെങ്കിലും വിലയില് കാര്യമായ കയറ്റമില്ല. ഇന്നലെ മുതല് പഴം പച്ചക്കറി മാര്ക്കറ്റുകളും പല ചരക്ക് കടകളും തുറക്കുന്ന സമയം രാവിലെ 6 മുതല് ഉച്ചയ്ക്കു 1 വരെയായി കുറച്ചിരുന്നു. സാമൂഹിക അകലം പാലിച്ചില്ല. ജനത്തിരക്ക് നിയന്ത്രിക്കുന്നതിന്റെ ഭാഗമായി പല മാര്ക്കറ്റുകളും സമീപത്തെ തുറസ്സായ സ്ഥലങ്ങളിലേക്കു മാറ്റിയിരുന്നു. സാധനങ്ങള് പൂഴ്ത്തിവച്ചു കൃത്രിമ ക്ഷാമമുണ്ടാക്കുന്നവര്ക്കെതിരെ കര്ശന നടപടിയുണ്ടാകുമെന്നു സര്ക്കാര് മുന്നറിയിപ്പു നല്കിയിട്ടുണ്ട്. കോര്പറേഷന് അധികൃതരുടെ മിന്നല് പരിശോധനയുമുണ്ട്.
