ലോക്ഡൗണിനിടെ തനിക്ക് അറിവില്ലായ്മ മൂലം സംഭവിച്ച അബദ്ധം തുറന്നു പറഞ്ഞ് നടി മഞ്ജു പത്രോസ്. ഫെയ്സ്ബുക്ക് ലൈവിലൂടെയാണ് സാധനങ്ങള് വാങ്ങാന് മാര്ക്കറ്റില് പോയപ്പോഴുണ്ടായ അബദ്ധം ആരാധകരുമായി താരം പങ്കുവെച്ചത്.
കാക്കനാട്ടുള്ള ഫ്ളാറ്റില് നിന്ന് ഒന്നര കിലോമീറ്ററുള്ള സൂപ്പര് മാര്ക്കറ്റിലേയ്ക്കാണ് താരം അച്ഛനൊപ്പം സാധനങ്ങള് വാങ്ങാന് ഇറങ്ങിയത്. എന്നാല് കുറച്ചു ദൂരം ചെന്നപ്പോള് തന്നെ പോലീസ് തടയുകയായിരുന്നു. രണ്ട് പേര് സഞ്ചരിച്ചതും സത്യവാങ്മൂലം ഇല്ലാതെ പുറത്തിറങ്ങിയതുമാണ് ലോക്ഡൗണ് ലംഘനമായത്.
സാധനങ്ങള് വാങ്ങാനുള്ള ലിസ്റ്റ് അച്ഛന്റെ കൈയില് കൊടുത്ത് വിട്ടാല് മതിയെന്നും, രണ്ട് പേര് യാത്ര ചെയ്യരൂതെന്നും പറഞ്ഞതോടെയാണ് തനിക്ക് സംഭവിച്ച തെറ്റ് മനസിലായതെന്നും താരം ലൈവില് പറഞ്ഞു. തന്റെ ശ്രദ്ധക്കുറവ് കൊണ്ടാണ് അബദ്ധം പറ്റിയതെന്നും പുറത്തുപോയാല് കൈ നിര്ബന്ധമായും സോപ്പോ സാനിറ്റൈസറോ ഉപയോഗിച്ച് കഴുകണമെന്നും താരം പറയുന്നു.
