ബെയ്ജിംഗ്: ഉത്തരകൊറിയന് ഏകാധിപതി കിം ജോങ് ഉന്നിന്റെ ആരോഗ്യം സംബന്ധിച്ച് വലിയ വിവാദങ്ങളാണ് ഉടലെടുത്തിരിക്കുന്നത്. ഹൃദയ ശസ്ത്രക്രിയയെ തുടര്ന്ന് കിം മരണപ്പെട്ടുവെന്ന് വാര്ത്തകള് ഉണ്ടായിരുന്നു. എന്നാല് ഇക്കാര്യം അമേരിക്ക ഉള്പ്പെടെ തള്ളിയിരുന്നു. എന്നാല് ഇപ്പോള് പുറത്തെത്തുന്ന വിവരം കിം ജോങ് ഉന്നിന്റെ ജീവന് നഷ്ടപ്പെട്ടിരിക്കുന്നു എന്നാണ്. കിമ്മിന്റെ ആരോഗ്യം സംബന്ധിച്ച് അഭ്യൂഹങ്ങള് നിലനില്ക്കെ ചൈനീസ് മാധ്യമപ്രവര്ത്തക സോഷ്യല് മീഡിയകളിലൂടെ ഇക്കാര്യം പുറത്തുവിട്ടു. എന്നാല് ഇകുവരെ ഔദ്യോഗികമായ യാതൊരു അറിയിപ്പും ഉത്തരകൊറിയന് ഭരണകൂടം പുറത്ത് വിട്ടിട്ടില്ല.
ഹോങ്കോംഗ് സാറ്റലൈനറ്റ് ടെലിവിഷന്റെ വൈസ് ഡയറക്ടറായ ഷിജിയാന് ഷിംഗ്സോയാണ് വാര്ത്ത പുറത്തുവിട്ടത്. ചൈനീസ് സോഷ്യല് മീഡിയ വെയ്ബോയിലൂടെയാണ് ഇവര് വിവരം പുറത്ത് വിട്ടത്. 36കാരനായ ഉത്തര കൊറിയന് നേതാവ് മരിച്ചെന്ന് വ്യക്തമായ തെളിവുകള് ലഭിച്ചതായാണ് ഇവരുടെ അവകാശം. വെയ്ബോയില് 15 ദശലക്ഷം ആളുകള് പിന്തുടരുന്ന മാദ്ധ്യമപ്രവര്ത്തകയാണ് ഷിജിയാന് ഷിംഗ്സോ. ചൈനീസ് വിദേശകാര്യ മന്ത്രിമാരില് ഒരാളുടെ അനന്തരവളുമാണ് ഇവര്.
അതേസമയം, കിമ്മിന്റെ ആരോഗ്യസ്ഥിതി അതീവ ഗുരുതരമാണെന്ന് ജാപ്പനീസ് മാദ്ധ്യമങ്ങള് റിപ്പോര്ട്ട് ചെയ്തിരിക്കുന്നത്. ശസ്ത്രക്രിയക്ക് ശേഷം കിം കോമിയലായതെന്നാണ് റിപ്പോര്ട്ടില് പറയുന്നു.
