ശ്രീനഗര്: ജമ്മു കശ്മീരിലെ രാംപൂരില് നിയന്ത്രണ രേഖയില് പാകിസ്താന് നടത്തിയ വെടിവയ്പില് പരിക്കേറ്റ രണ്ട് സൈനികര് മരണമടഞ്ഞു. വെള്ളിയാഴ്ചയാണ് പാകിസ്താന്റെ ഭാഗത്തുനിന്നും പ്രകോപനമുണ്ടായത്. മറ്റൊരു സൈനികനും കൂടി പരിക്കേറ്റിട്ടുണ്ട്.
വെള്ളിയാഴ്ച 3.30 ഓടെ ബാരാമുള്ളയിലാണ് ആക്രമണമുണ്ടായതെന്ന് പ്രതിരോധ വക്താവ് കേണല് രാജേഷ് കാലിയ പറഞ്ഞു. ഇന്ത്യ ശക്തമായി തിരിച്ചടിച്ചു. ഏപ്രില് 30നും പാകിസ്താനന്റെ ഭാഗത്തുനിന്നും പ്രകോപനമുണ്ടായിരുന്നു. പൂഞ്ചില് മോര്ട്ടാര് ഷെല്ലുകള് ഉപയോഗിച്ച് ആക്രമണം നടന്നിരുന്നു.
പൂഞ്ചിലെ മങ്കൊട്ടെ, മെന്ദാര് സെക്ടറുകളില് ഏപ്രില് 29നും പാകിസ്താന് വെടിനിര്ത്തല് കരാര് ലംഘനം നടത്തിയിരുന്നുവെന്നും പ്രതിരോധ വക്താവ് പ്രസ്താവനയിലൂടെ വ്യക്തമാക്കി.
