ലോക്ക്ഡൗണിനിടെയായിരുന്നു നടന് മണികണ്ഠന്റെ വിവാഹം. ഇപ്പോള് വിവാഹ വിശേഷങ്ങള് പങ്കുവെച്ച് രംഗത്ത് എത്തിയിരിക്കുകയാണ് മണികണ്ഠനും ഭാര്യ അഞ്ജലിയും. തുണിക്കടകള് പൂട്ടിക്കിടന്നപ്പോള് വിവാഹത്തിന് സാരിയും മുണ്ടും ഷര്ട്ടുമൊക്കെ സംഘടിപ്പിച്ചത് തന്റെ ആശാന് രാജീവ് രവിയായിരുന്നുവെന്ന് മണികണ്ഠന് പറഞ്ഞു. 'വീട്ടിലും സ്റ്റോക്കുള്ള വ്യാപാരികളെ അദ്ദേഹത്തിന് അറിയാമായിരുന്നു, അവരുടെ വീട് അദ്ദേഹത്തിന്റെ വീട്ടിനടുത്തായിരുന്നു. അവിടെ നിന്നാണ് വസ്ത്രങ്ങള് ലഭിച്ചത്. അത് വലിയ അനുഗ്രഹമായിരുന്നു. വിവാഹത്തിന് മേക്കപ്പ് ചെയ്തത് റോണക്സ് ആണ്. അങ്ങനെ ഒരുപാട് പേര് സഹായിച്ചു.'- മണികണ്ഠന് പറയുന്നു.
'മമ്മൂക്കയുടെ വിഡിയോ കോള് വന്നപ്പോള് സന്തോഷം കൊണ്ട് എന്താണ് പറയേണ്ടത് എന്നറിയാത്ത അവസ്ഥയായി പോയി. ലാലേട്ടന് ആദ്യം വിളിച്ചപ്പോള് ഞങ്ങള് കണ്ടില്ല, വീട്ടിലാരോ ഫോണെടുത്ത് ഞങ്ങള് തിരക്കിലാണെന്നു പറഞ്ഞു. പിന്നെ തിരിച്ചുവിളിച്ചപ്പോള് ഒരുപാട് സ്നേഹത്തോടെയാണ് ലാലേട്ടനും ഞങ്ങളോട് സംസാരിച്ചതും ഞങ്ങളെ അനുഗ്രഹിച്ചതുമൊക്കെ.' 'വിവാഹം ഇങ്ങനെ ചെറിയൊരു പരിപാടിയില് ഒതുങ്ങിയതില് വിഷമമുണ്ട്. കാരണം ഞങ്ങളുടെ വിവാഹം കാണണമെന്ന് ആഗ്രഹിച്ച ഒരുപാട് സ്വന്തക്കാര്, സുഹൃത്തുക്കള് ഉണ്ടായിരുന്നു. മണി മാമന്റെ കല്യാണം കൂടാന് കുഞ്ഞു ഷൂ മേടിച്ചിരുന്ന കുഞ്ഞുങ്ങള് ഉണ്ട്. എന്നിരുന്നാലും ഈ സമയത്ത് നാടിനൊപ്പം നീങ്ങുന്നു, ഈ സാഹചര്യത്തില് ഒരു ൈക എനിക്കും സര്ക്കാരിന് കൊടുക്കാസാധിച്ചു. വിവാഹമൊക്കെ നീട്ടിവച്ചാല് ചെറിയൊരു വാക്ക് മതി നീണ്ടുപോകാനും തള്ളിപ്പോകാനും.'-മണികണ്ഠന് പറഞ്ഞു.
