ഹിസാര്: സാമൂഹ്യമായ ഒരു കാരണവും കൂടാതെ ഹരിയാനയില്െ 40 കുടുംബങ്ങളില് 250 പേര് ഒറ്റദിവസം കൊണ്ട് ഹിന്ദുമതം സ്വീകരിച്ചു. ഹരിയാനയിലെ ഹിസാര് ജില്ലയില് ബിഡ്മിരാ ഗ്രാമത്തില് നടന്ന സംഭവത്തില് ഒരു 80 കാരിയുടെ മരണവുമായി ബന്ധപ്പെട്ട് വെള്ളിയാഴ്ച നടന്ന അന്ത്യകര്മ്മങ്ങളോടെ ഇവരെല്ലാം മതം മാറുകയായിരുന്നു. ഫൂല്ദേവി എന്ന വൃദ്ധയുടെ സംസ്ക്കാര ചടങ്ങ് ഇവര് നിര്വ്വഹിച്ചത് പതിവിന് വിരുദ്ധമായി ഹിന്ദുമതാചാര പ്രകാരമായിരുന്നു.
നേരത്തേ് ഏപ്രില് 18 ന് ജിന്ഡിലെ ഡനോഡ കല്യാണ് ഗ്രാമത്തിലെ ആറ് കുടുംബങ്ങളില് നിന്നുള്ള 35 മുസ്ളീങ്ങള് ഹിന്ദുമതം സ്വീകരിച്ചത് വാര്ത്തയായിരുന്നു. ബിത്ത്മാഡയില് പുതിയതായി മതം മാറിയവരും സ്വതന്ത്ര്യം കിട്ടുന്നതിന് മുമ്പ് ഡനോഡ കല്യാണ് ഗ്രാമത്തില് തന്നെ താമസിച്ചിരുന്നവരാണ്. ഫൂല്ദേവി മരിച്ചതിന്റെ ചടങ്ങുകളോടെയാണ് ഇനിമുതല് ഇവിടുത്തെ മുസ്ളീം കുടുംബങ്ങള് ഹിന്ദുമതാചാര പ്രകാരം ജീവിച്ചാല് മതിയെന്ന് തീരുമാനിച്ചത്. തുടര്ന്ന് തങ്ങള് ഇനിമുതല് ഹിന്ദുക്കളാണെന്ന് സ്വയം പ്രഖ്യാപിച്ച ശേഷം ഹിന്ദു ആചാരപ്രകാരം ശവസംസ്ക്കാര ചടങ്ങുകള് നടത്തുകയായിരുന്നു.
നേരത്തേ ഇവിടെ മരിക്കുന്നവര്ക്ക് മുസ്ളീം ആചാരപ്രകാരമായിരുന്നു സംസ്ക്കാര ചടങ്ങുകള്. അതേസമയം ഡൂം ജാതിക്കാരായ തങ്ങള് ഹിന്ദു പാരമ്പര്യമുള്ളവര് ആയിരുന്നെന്നും മുഗള് രാജാവ് ഔറംഗസേബിന്റെ കാലത്ത് നിര്ബ്ബന്ധിച്ച് മതം മാറ്റിയതാണെന്നും ഇവര് പറഞ്ഞു. ഗ്രാമം എല്ലായ്പ്പോഴും ഹിന്ദു ആഘോഷങ്ങള് കൊണ്ടാടുക പതിവായിരുന്നു എന്നും മരണാനന്തര ചടങ്ങുകള് മാത്രമാണ് മുസ്ളീം ആചാരപ്രകാരം നടത്തിയിരുന്നതെന്നും ഇവര് പറഞ്ഞു. അതേസമയം ആരുടെയെങ്കിലൂം നിര്ബ്ബന്ധപ്രകാരമാണോ മതം മാറിയതെന്ന ചോദ്യത്തിന് അല്ലെന്നായിരുന്നു മറുപടി.
ഇക്കാര്യത്തില് ഗ്രാമത്തിലെ യുവാക്കള് പറയുന്നത് വേറൊരു കാര്യമാണ്. ഗ്രാമത്തിലെ കഴിഞ്ഞ തലമുറയില് പെട്ടവര്ക്ക് വിദ്യാഭ്യാസം ഉണ്ടായിരുന്നില്ല എന്നും അതുകൊണ്ടാണ് അവര് മുസ്ളീങ്ങളായി തുര്ന്നതെന്നുമാണ്. ഇപ്പോള് വിദ്യാഭ്യാസം നേടിയ യുവാക്കള് തങ്ങളുടെ പഴമയും പാരമ്പര്യവും മതംമാറ്റവുമെല്ലാം തിരിച്ചറിയുകയും മുതിര്ന്നവരെ കാര്യങ്ങള് പറഞ്ഞു മനസ്സിലാക്കിയെന്നുമാണ്.ഗ്രാമത്തില് തങ്ങളുടെ ആള്ക്കാരുടെ മൃതദേഹങ്ങള് അടക്കം ചെയ്യുമ്പോള് ആള്ക്കാര് കൗതുകത്തോടെയാണ് നോക്കാറുള്ളത്. കുട്ടികള്ക്ക് ഭാവിയില് ഈ ബുദ്ധിമുട്ട് വരാതിരിക്കാനാണ് മതം മാറാന് തീരുമാനിച്ചതെന്നുമാണ് ഇവര് പറയുന്നത്.
അതേസമയം ദനോഡ കല്യാണ് ഗ്രാമത്തിലെ സംഭവം അറിഞ്ഞെന്നും ഇക്കാര്യത്തില് കൂടുതല് വിവരം കിട്ടിയിട്ടില്ലെന്നുമാണ് മുസ്ളീം ക്ഷേമ സംഘടന പറയുന്നത്. ദളിത് വിഭാഗത്തില് പെടുന്ന ഡൂം ജാതിക്കാര് പട്ടികജാതി ആനുകൂല്യം കിട്ടാന് വേണ്ടി ആയിരിക്കാം ഇങ്ങിനെ ചെയ്തതെന്നാണ് മുസ്ളീം വെല്ഫെയര് ഓര്ഗനൈസേഷന്റെ ഭാഷ്യം. സാധാരണഗതിയില് പട്ടികജാതിയില് പെടുന്നവരാണ് ഡൂം ജാതിക്കാര്. എന്നാല് ഇസ്ാം, ക്രൈസ്തവ മതങ്ങളില് പെട്ടവര് സംവരണാനുകൂല്യത്തില് നിന്നും പുറത്താകും. കോണ്ഗ്രസ് സീറ്റില് ലുധിയാനയില് നിന്നും സംവരണാനുകൂല്യത്തില് മത്സരിച്ച് ജയിച്ച മൊഹമ്മദ് സാദിഖ് താന് മുസ്ളീമല്ലെന്നും മസാബി സിഖ് ആണെന്നും വാദിച്ച സുപ്രീംകോടതിയില് ചെയ്തതും ഇവര് ചൂണ്ടിക്കാട്ടുന്നു.
