ന്യൂഡല്ഹി: ആത്മനിര്ഭര് ഭാരത് അഭിയാന് പദ്ധതിയുടെ ഭാഗമായുള്ള രണ്ടാം ഘട്ട പ്രഖ്യാപനം ധനമന്ത്രി നിര്മ്മലാ സീതാരാമന് നടത്തി. അതിഥി തൊഴിലാളികള്, തെരുവ് കച്ചവടക്കാര്, ചെറുകിട വ്യാപാരികള്, സ്വയം തൊഴില് ചെയ്യുന്നവര്, ചെറുകിട കര്ഷകര് എന്നീ വിഭാഗക്കാര്ക്ക് ഊന്നല് നല്കിക്കൊണ്ടുള്ള പദദ്ധതികളാണ് ധനമന്ത്രി ഇന്ന് പ്രഖ്യാപിച്ചത്.
ഇക്കഴിഞ്ഞ തിങ്കളാഴ്ച വൈകിട്ടാണ് പ്രധാനമന്ത്രി നരേന്ദ്ര മോഡി ആത്മനിര്ഭര് ഭാരത് അഭിയാന് പ്രഖ്യാപിച്ചത്. പദ്ധതിയുടെ ഭാഗമായി 20 ലക്ഷം കോടി രൂപയുടെ സാമ്പത്തിക പാക്കേജാണ് പ്രധാനമന്ത്രി പ്രഖ്യാപിച്ചത്. പാക്കേജിന്െ്റ വിശദാംശങ്ങളാണ് ധനമന്ത്രി നിര്മ്മലാ സീതാരാമന്െ്റ നേതൃത്വത്തില് പ്രതിദിന വാര്ത്താ സമ്മേളനത്തില് പ്രഖ്യാപിച്ചുകൊണ്ടിരിക്കുന്നത്.
തൊഴിലാളികളുടെ മിനിമം വേതനം 182 രൂപയില് നിന്ന് 202 രൂപയായി വര്ദ്ധിപ്പിച്ചു. കുടിയേറ്റ തൊഴിലാളികള്ക്ക് ഭക്ഷണവും താമസസൗകര്യവും ഒരുക്കാന് സംസ്ഥാനങ്ങള്ക്ക് എസ്.ഡി.ആര്.എഫ് ഫണ്ട് ഉപയോഗിക്കാമെന്ന് ധനമന്ത്രി വ്യക്തമാക്കി. 25,000 കോടി രൂപ വരെ ലോണ് പരിധിയുള്ള 25 ലക്ഷം പുതിയ കിസാന് ക്രെഡിറ്റ് കാര്ഡുകള് അനുവദിച്ചതായും ധനമന്ത്രി കൂട്ടിച്ചേര്ത്തു.
ഇന്ന് പ്രധാനമായും 9 പദ്ധതികളാണ് ധനമന്ത്രി പ്രഖ്യാപിച്ചത്. ഇതില് മൂന്ന് പദ്ധതികള് കുടിയേറ്റ തൊഴിലാളികള്ക്ക് വേണ്ടിയുള്ളതാണ്. ഒരെണ്ണം തെരുവ് കച്ചവടക്കാര്ക്കും ചെറുകിട വ്യാപാരികള്ക്കും സ്വയം തൊഴില് ചെയ്യുന്നവര്ക്കും വേണ്ടിയുള്ളതാണ്. 2 പദ്ധതികള് ചെറുകിട കര്ഷകര്ക്കും ഒന്ന് ഹൗസിംഗ് മേഖലയ്ക്കും വേണ്ടിയുള്ളതാണ്.
