രണ്ട് വര്ഷത്തിനുള്ളില് മൂന്നൂറ് വേദികളില് ഉദ്ഘാടകനും, വിശിഷ്ഠ അതിഥിയുമായി പങ്കെടുത്ത ഒരു അതുല്യ പ്രതിഭയാണ് അനുനന്ദ്. സുഹൃത്തുക്കള് സകലകലാവല്ലഭന് എന്നു വിളിയ്ക്കുന്ന അഭിനന്ദ് ഡാന്സിലും കീബോര്ഡിലും പുല്ലാങ്കുഴലിലും ഗിത്താറിലും ഡ്രംസിലും അക്രോബാറ്റിക്സിലും ഏരിയല് ഡാന്സിലുമൊക്കെ മികച്ച് നില്ക്കുകയാണ്.
കൊട്ടാരക്കര ഓടനാവട്ടം പരുത്തിയറ നന്ദനത്തില് പരേതനായ സത്യശീലന്റെയും പ്രീതയുടെയും മകനായ അനുനന്ദ് തന്റെ 23 വയസിനുള്ളില് ഉദ്ഘാടനം ചെയ്തത് ആയിരത്തി മുന്നൂറില്പരം ചടങ്ങുകളാണ്. ലോക്ക്ഡൗണിലും അനുനന്ദ് വെറുതെ ഇരിയ്ക്കുകയല്ല. നൂറുകണക്കിന് ഫേസ്ബുക്ക്, ഇന്സ്റ്റാഗ്രാം ലൈവുകളാണ് ഇതിനോടകം അവതരിപ്പിച്ചത്. അക്രോബാറ്റിക് ഡാന്സിലൂടെ തന്റെ ആറാമത്തെ വയസിലാണ് അനുനന്ദ് കലാജീവിതത്തിലേക്ക് കടന്നത്. മികച്ച പ്രകടനം കാഴ്ചവച്ചു കൊണ്ട് അനുനന്ദിനോടൊപ്പം സഹോദരന് അനന്തുവും ടിവി ചാനലുകളില് തിളങ്ങി.
പോളിടെക്നിക് പഠനകാലത്ത് പ്രമുഖ ചാനലിന്റെ ഉഗ്രം ഉജ്ജ്വലം പരിപാടിയിലൂടെ അനുനന്ദും അനന്ദുവും ഏവരേയും വിസ്മയിപ്പിച്ചു. പോളി ടെക്നിക് കലോത്സവത്തിലും തുടര്ച്ചയായി മൂന്നുവര്ഷവും വൃന്ദവാദ്യത്തില് ആദ്യ സമ്മാനങ്ങള് നേടിയെടുത്തു. യൂടൂബ് കണ്ട് പുല്ലാങ്കുഴല് പഠനത്തിന് തുടക്കമിട്ടിരുന്നു. പോളി ഫസ്റ്റ് ക്ലാസോടെ പാസായ ശേഷം പെരുമണ് എഞ്ചിനീയറിംഗ് കോളേജില് ചേര്ന്നു. പഠനത്തിരക്കിനിടയിലാണ് ചടങ്ങുകളില് പങ്കെടുക്കുന്നത്. കഴിഞ്ഞ വര്ഷം ദുബൈയില് നടന്ന ഇന്റിവുഡ് ടാലന്റ് ഹണ്ടിലും ജേതാവായി.
