തിരുവനന്തപുരം: കേരള പുനര്നിര്മാണ സംരംഭത്തിനു പുറമേ, വ്യവസായവകുപ്പില് കെ.പി.എം.ജിയുടെ കണ്സള്ട്ടന്സി കരാര് മൂന്നാംതവണയും സര്ക്കാര് നീട്ടിനല്കി. പ്രളയദുരന്തവുമായി ബന്ധപ്പെട്ടു സൗജന്യസേവനം നല്കുന്നതിനു മുമ്പുതന്നെ കെ.പി.എം.ജിയുമായി വ്യവസായവകുപ്പിനു ബന്ധമുണ്ടായിരുന്നതായി രേഖകള്. വ്യവസായവകുപ്പിനു കീഴിലുള്ള വ്യാപാരം സുഗമമാക്കല് പദ്ധതിയുടെ (ഈസ് ഓഫ് ഡൂയിങ് ബിസിനസ്) കണ്സള്ട്ടസി കരാര് െകെകാര്യം ചെയ്തിരുന്ന കെ.പി.എം.ജിക്കു മൂന്നാംതവണയാണു കാലാവധി നീട്ടിക്കൊടുക്കുന്നത്.
സംസ്ഥാന വ്യവസായ വികസന കോര്പറേഷന് (കെ.എസ്.ഐ.ഡി.സി) കണ്സള്ട്ടന്റായി 2017-ലാണ് കെ.പി.എം.ജിയെ നിയമിച്ചത്. 2017 നവംബര് ഒന്നുമുതല് 2018 ജൂെലെ 31 വരെയായിരുന്നു കാലാവധി. പ്രളയശേഷം കരാര് 2018 ഓഗസ്റ്റ് ഒന്നുമുതല് 2019 ജൂെലെ 31 വരെയും പിന്നീട് 2019 ഓഗസ്റ്റ് ഒന്നുമുതല് ഈവര്ഷം ജൂെലെ 31 വരെയും നീട്ടി. അതാണിപ്പോള് അടുത്ത ഓഗസ്റ്റ് ഒന്നുമുതല് 2021 ജൂെലെ 31 വരെ വീണ്ടും നീട്ടിയത്. പ്രതിമാസം 5,40,000 രൂപയുടെ കരാര് 11,20,000 രൂപയായി ഇരട്ടിയിലേറെ വര്ധിപ്പിച്ചിട്ടുമുണ്ട്.
സംസ്ഥാനത്തെ വ്യാപാരം സുഗമമാക്കാന് സൗകര്യങ്ങളൊരുക്കുക, വ്യവസായപരിഷ്കരണ കര്മപദ്ധതി നടപ്പാക്കാന് പിന്തുണ നല്കുക, ഓണ്െലെന് ഏകജാലകസംവിധാനം നടപ്പാക്കുകയും ശക്തിപ്പെടുത്തുകയും ചെയ്യുക. ഭൗതികസ്വത്തവകാശകേന്ദ്രം സ്ഥാപിക്കുക എന്നിവയായിരുന്നു കെ.പി.എം.ജിയെ ഏല്പ്പിച്ച ചുമതലകള്. പ്രതിമാസം 5,40,000 രൂപയ്ക്കു രണ്ട് ഉദ്യോഗസ്ഥരെ ഇതിനായി ചുമതപ്പെടുത്തി. ഈ കരാറാണു വീണ്ടും നീട്ടിക്കൊടുത്തത്. തുക വര്ധിപ്പിച്ചതിലൂടെ മാത്രം ഏകദേശം 70 ലക്ഷംരൂപയുടെ അധികച്ചെലവുണ്ടാകും. കരാര് നീട്ടിനല്കുന്നതു സംസ്ഥാനത്തെ വ്യാപാരം സുഗമമാക്കാന് സഹായകമാകുമെന്നു വ്യവസായവകുപ്പ് കഴിഞ്ഞ 15-ന് ഇറക്കിയ ഉത്തരവില് പറയുന്നു.
