ഇരട്ട ഗര്‍ഭാപാത്രത്തില്‍ രണ്ടിലും ഇരട്ട കുട്ടികളുമായി അപൂര്‍വ്വതയില്‍ അപൂര്‍വ്വതയുമായി ബ്രിട്ടീഷ് യുവതി. 50 ദശലക്ഷം പേരില്‍ ഒരാള്‍ എന്ന ഡോക്ടര്‍മാര്‍ വിശേഷിപ്പിക്കുന്ന കെല്ലി ഫെയര്‍ ഹെസ്റ്റ് എന്ന 28 കാരിയാണ് രണ്ടു ഗര്‍ഭപാത്രത്തിലായി നാലു കുട്ടികളെ വഹിക്കുന്നത്. ഗര്‍ഭിണിയായി 12 ആഴ്ചകള്‍ പിന്നിട്ടതിനെ തുടര്‍ന്ന് നടത്തിയ സ്‌കാനിങ്ങിലാണ് തനിക്ക് ഇരട്ട ഗര്‍ഭപാത്രങ്ങളുള്ള കാര്യവും രണ്ടിലും ഇരട്ടക്കുട്ടികളുമാണെന്ന് കെല്ലി അറിയുന്നത്.
ഇരട്ടകള്‍ ഒരുപേലെ ഇരിക്കുന്നവയായിരിക്കാനുള്ള സാധ്യതയാണ് ഡോക്ടര്‍മാര്‍ ചൂണ്ടിക്കാട്ടുന്നത്. ഇപ്പോള്‍ തന്നെ മൂന്നും നാലും വയസ്സുള്ള രണ്ടു പെണ്‍കുട്ടികളുടെ മാതാവായ ഫെയര്‍ഹസ്റ്റിന് രണ്ടുഗര്‍ഭപാത്രത്തിലായി നാലു കുട്ടികള്‍ വയറ്റിലുണ്ടെന്ന അറിവ് വലിയ അത്ഭുതമായിരുന്നു. രണ്ടാമത്തെ കുട്ടി ഉണ്ടായ സമയത്ത് തന്നെ പൂര്‍ണമായി രൂപപ്പെടാത്ത മറ്റൊരു ഗര്‍ഭപാത്രം കൂടിയുള്ള അവസ്ഥ ഉണ്ടാകാമെന്ന് ഡോക്ടര്‍മാര്‍ പറഞ്ഞിരുന്നു.
എസ്സെക്‌സിലെ ബ്രെയിന്‍ട്രീയില്‍ നിന്നുള്ള ഇവരോട് സിസേറിയനിലൂടെ കുഞ്ഞുങ്ങളെ പുറത്തെടുക്കാമെന്നാണ് ഡോക്ടര്‍മാര്‍ പറഞ്ഞിരിക്കുന്നത്. യൂട്രസ് ഡിഡില്‍ഫി എന്ന അവസ്ഥ അപൂര്‍വ്വങ്ങളില്‍ അപൂര്‍വ്വമാണെന്നാണ് ലണ്ടനിലെ സെന്റ് ജോര്‍ജ്ജ് ആശുപത്രിയിലെ വിദഗ്ദ്ധരും പറയുന്നു. ഇത്തരം അവസ്ഥകള്‍ മിക്ക സ്ത്രീകളും അറിയാതെ പോകുമെന്ന് പ്രൊഫ. ആസ്മാ ഖലില്‍ പറയുന്നു. മിക്കവാറും ഒരു പോലെയിരിക്കുന്ന ഇരട്ടകളായിരിക്കുമെന്നും ഓരോരുത്തരും പ്രത്യേകം പ്രത്യേകം ഗര്‍ഭപാത്രത്തിലായിരിക്കും വളരുകയെന്നും പറയുന്നു.
Comments