ഫ്ളോറിഡ: സായാഹ്നത്തില് കുടുംബത്തിനൊപ്പം ബീച്ചില് എത്തിയതായിരുന്നു അഡ്രിയാന് കൊസിക്കി എന്ന പോലീസുകാരന്. കടലില് തിരയെണ്ണി നില്ക്കുമ്പോഴാണ് തിരമാലയ്ക്ക് മുകളില് അസാധാരണമായ ആ കാഴ്ച കണ്ടത്്. കടലില് കളിക്കുന്ന കുട്ടികളുടെ നേര്ക്ക് പാഞ്ഞടുക്കുന്ന സ്രാവ്.
സ്വന്തം ജീവന് പോലും വകവയ്ക്കാതെ ഒരു നിമിഷം പോലും പാഴാക്കാതെ അഡ്രിയാന് കടലിലേക്ക് ചാടി. കുട്ടിയെ വലിച്ച് കരയിലേക്ക് കയറ്റി. സെക്കന്റുകള്ക്കുള്ളില് ആ പോലീസുകാരന് നടത്തിയ അവസരോചിതമായ ഇടപെടല് ഒഴിവാക്കിയത് വലിയ ദുരന്തവും.
കഴിഞ്ഞ വ്യാഴാഴ്ചയാണ് സംഭവം. ഡ്യുട്ടിയില് പോലും ആയിരുന്നില്ല ആഡ്രിയാന് അന്ന്. ഫ്ളോറിഡയിലെ കോകോവ ബീച്ചിലാണ് സ്രാവ് ഭീതി പരത്തിയത്. കോകോവ ബീച്ച് പോലീസ്, ഫയര് സേന ഈ വീഡിയോ ഫെയ്സബുക്കില് പങ്കുവച്ചതോടെയാണ് സംഭവം പുറലോകമറിഞ്ഞത്. ബീച്ചിലുണ്ടായിരുന്ന ആരോ മൊബൈലില് പകര്ത്തിയതാണ് ദൃശ്യം.
https://www.facebook.com/watch/?v=602940080645147
