വിമാനത്താവളം വഴിയുള്ള സ്വര്ണക്കടത്ത് കേസിലെ പ്രതിയായ സ്വപ്ന സുരേഷുമായുള്ള ബന്ധത്തില് കുടുങ്ങിയിരിക്കുകയാണ് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര്. എന്നാല് സര്ക്കാര് അറിവോടെയല്ല ശിവശങ്കര് പ്രതികളെ സഹായിച്ചതെന്ന വാദം സോഷ്യല് മീഡിയകളില് സജീവമാണ്. സര്ക്കാര് അനുകൂലികളാണ് ഈ വാദത്തിന് പിന്നില്. ഇതിനെ പരിഹസിച്ച് രംഗത്ത് എത്തിയിരിക്കുകയാണ് രാഷ്ട്രീയ നിരീക്ഷകനും അഭിഭാഷകനുമായ എ ജയശങ്കര്.
ജയശങ്കറിന്റെ കുറിപ്പ്;
ചതിയന്.. വഞ്ചകന്... പരമ നീചന്... എട്ടും പൊട്ടും തിരിയാത്ത പാവം മുഖ്യമന്ത്രിയെ പറഞ്ഞു പറ്റിച്ച മഹാ ഖലന്!
ശിവശങ്കരനും സ്വപ്നയുമായുളള ഒരിടപാടിലും സര്ക്കാര് പങ്കാളിയല്ല, മുഖ്യമന്ത്രിക്കു മനസറിവില്ല. സ്വര്ണക്കടത്തോ കുഴല്പ്പണമിടപാടോ ഇടതു മുന്നണിയുടെ പ്രകടന പത്രികയില് പറഞ്ഞിട്ടുളള കാര്യങ്ങളല്ല. പാവങ്ങളുടെ പാര്ട്ടിക്കോ സര്ക്കാരിനോ മഹാനായ മുഖ്യമന്ത്രിക്കോ ഇതിന് ഉത്തരവാദിത്തമില്ല.
സഖാക്കളേ, സുഹൃത്തുക്കളേ ന്യായീകരണ തൊഴിലാളികളേ സംഘടിക്കുവിന്! ഈ മഹാ സത്യം ലോകമെമ്പാടും ഉദ്ഘോഷിക്കുവിന്!!
