കോവിഡ് ടെസ്റ്റ് നടത്തി തെറ്റായ പരിശോധനാഫലം നല്കിയ സ്വകാര്യ ലാബിനെതിര സംവിധായകന് ജോണ്പോള് ജോര്ജ് രംഗത്ത് എത്തിയിരുന്നു. പരാതിയുമായി മുന്നോട്ട് പോകുമെന്ന് അദ്ദേഹം പറഞ്ഞു. സംഭവത്തില് ഒത്തുതീര്പ്പിനു പോകുന്നത് മറ്റുള്ളവരോട് ചെയ്യുന്ന തെറ്റാകുമെന്നും അദ്ദേഹം പറയുന്നു. മറ്റാര്ക്കും തന്റെ അവസ്ഥ ഉണ്ടാകാതിരിക്കട്ടെ എന്ന പ്രതീക്ഷയാണ് ഈ പ്രശ്നത്തില് പ്രതികരിക്കാന് പ്രേരിപ്പിച്ചതെന്നും ജോണ്പോള് വ്യക്തമാക്കി.
'ഇതു ഒതുക്കി തീര്ക്കണം എന്നാവശ്യപ്പെട്ട് എനിക്ക് പല രീതിയിലുള്ള വിളികളും വന്നു. പക്ഷേ ഒരു ഔട്ട് ഓഫ് ദ് കോര്ട്ട് സെറ്റില്മെന്റിനൊക്കെ പോയാല് അതു ഞാന് എല്ലാവരോടും ചെയ്യുന്ന തെറ്റാകും. കോവിഡ് പോലൊരു മഹാമാരി ജനങ്ങളെ ഇത്രയും ബുദ്ധിമുട്ടിക്കുന്ന ഇക്കാലത്ത് അതിനെക്കാള് വലിയ ദ്രോഹം അവരോട് ചെയ്യുക എന്നു പറഞ്ഞാല് അതൊരിക്കലും അംഗീകരിക്കാനാകുന്ന ഒന്നല്ല. ജനങ്ങള് കഷ്ടപ്പെട്ടുണ്ടാക്കുന്ന പണം വാങ്ങി ടെസ്റ്റ് നടത്തി അതിനു തെറ്റായ ഫലം കൊടുക്കുക എന്നു പറഞ്ഞാല് ഒരിക്കലും അംഗീകരിക്കാനാകാത്ത വസ്തുതയാണ്.'
'ആയിരക്കണക്കിന് ആളുകള്ക്ക് ഇതു സംഭവിച്ചു കാണും. പലരും പ്രതികരിക്കില്ല. എന്നെ പോലൊരു ആള്ക്ക് ഇങ്ങനെയുണ്ടായതു പുറത്തറിഞ്ഞാല്! അതിനു അര്ഹിക്കുന്ന വാര്ത്താപ്രാധാന്യം ലഭിക്കുകയും ഇനിയെങ്കിലും മറ്റാര്ക്കും ഈ അവസ്ഥ ഉണ്ടാകാതിരിക്കുകയും ചെയ്യുമെന്ന പ്രതീക്ഷയാണ് ഈ പ്രശ്നത്തില് പ്രതികരിക്കാന്! പ്രേരിപ്പിച്ചത്. ഞങ്ങളെപ്പോലുള്ളവരും ഞങ്ങളുടെ കുടുംബങ്ങളും കൂട്ടുകാരും അനുഭവിച്ച മാനസികപ്രശ്നങ്ങളും വൈഷമ്യവും ആര്ക്കും പറഞ്ഞാല് മനസ്സിലാകില്ല.'-ജോണ് പോള് പറഞ്ഞു
