തിരുവനന്തപുരം: കേന്ദ്ര സര്വകലാശാലകളിലെ ബിരുദ, ബിരുദാനന്തര ബിരുദ, ഇന്റഗ്രേറ്റഡ്, പി.എച്ച്.ഡി കോഴ്സുകളിലേക്കുള്ള പ്രവേശനത്തിനായി നടത്തുന്ന പൊതു പ്രവേശന പരീക്ഷയുടെ തീയതി പ്രഖ്യാപിച്ചു. സെപ്റ്റംബര് 18, 19,20 തീയതികളിലാണ് പരീക്ഷ.
കേരള കേന്ദ്ര സര്വകലാശാല ഉള്പ്പെടെ 14 കേന്ദ്ര സര്വകലാശാലകളിലേക്കും സംസ്ഥാനത്തെ നാല് സര്വകലാശാലകളിലേക്കുമുള്ള പ്രവേശന പരീക്ഷയാണിത്. മുന് വര്ഷങ്ങളില് നിന്ന് വ്യത്യസ്തമായി ഈ വര്ഷത്തെ പരീക്ഷള് ദിവസേന രണ്ട് സെഷനുകളായാണ് നടത്തുന്നത് (രാവിലെ 10, ഉച്ചയ്ക്ക 12, ഉച്ചയ്ക്ക് രണ്ട്, വൈകിട്ട് നാല്) ആണ് നടക്കുക.
കേരളത്തിലെ 17 കേന്ദ്രങ്ങളിലും കര്ണാടകയിലെ മംഗളുരു കേന്ദ്രത്തിലെയും പരീക്ഷകളുടെ ചുമതല കേരള കേന്ദ്ര സര്വകലാശാല നോഡല് ഓഫീസര്ക്കാണ്. പങ്കെടുക്കുന്ന വിദ്യാര്ത്ഥികള് പരീക്ഷാ കേന്ദ്രങ്ങളിലും പരീക്ഷാ ഹാളിലും പരിസരത്തും കോവിഡ് 19 മാര്ഗ്ഗനിര്ദ്ദേശങ്ങള് പാലിച്ചിരിക്കണം.
www.cucetexam.in, www.cukerala.ac.in എന്നീ വെബ്സൈറ്റുകളില് വിശദ വിവരങ്ങള് ലഭ്യമാണ്. സംശയങ്ങള്ക്ക് കേരള കേന്ദ്ര സര്വകലാശാലയിലെ പരീക്ഷാ വിഭാഗവുമായി ബന്ധപ്പെടാം- 0467 2309467
