പൊന്കുന്നം: പൊട്ടിവീണ വൈദ്യുതി കമ്പി കടിച്ചുമാറ്റി സ്വന്തം പ്രാണന് നല്കി അപ്പു രക്ഷിച്ചത് സ്വന്തം യജമാനനെ. ചാമംപതാല് വാഴപ്പള്ളി വിജയന്റെ മകന് അജേഷിന്റെ ജീവനാണ് വീട്ടിലെ വളര്ത്തുനായ അപ്പു രക്ഷിച്ചത്.
രാവിലെ പാല് വാങ്ങാന് അജേഷ് വീട്ടില്നിന്ന് ഇറങ്ങിയപ്പോള് പതിവുപോലെ അപ്പു മുന്നില് നടന്നു. വഴിയില് കിടന്ന വൈദ്യുതി കമ്പി കടിച്ചുമാറ്റിയതോടെ അപ്പു തെറിച്ചുവീണു. അജേഷ് ഓടിയെത്തിയപ്പോള് കുരച്ചുകൊണ്ടു തടഞ്ഞു. വീണ്ടും എണീറ്റു കമ്പി കടിച്ചുമാറ്റി. ഇതിനിടെ ഷോക്കേറ്റ അപ്പു ചത്തു.
വീടിനു സമീപം ഇടവഴിയിലാണു െവെദ്യുതി കമ്പി പൊട്ടിവീണു കിടന്നത്. അപ്പു കടിച്ചുമാറ്റാന് ശ്രമിച്ചില്ലായിരുന്നെങ്കില് അജേഷ് ഇതില് ചവിട്ടുകയും അപകടമുണ്ടാവുകയും ചെയ്യുമായിരുന്നു. കാലപ്പഴക്കം ചെന്ന കമ്പിയുടെ കൂട്ടിക്കെട്ടിയ ഭാഗമാണു പൊട്ടിവീണത്. കെ.എസ്.ഇ.ബി. ജീവനക്കാരെത്തി െവെദ്യുതി ബന്ധം വിച്ഛേദിച്ച ശേഷമാണു അപ്പുവിന്റെ ജഡം മാറ്റിയത്.
