ബംഗലൂരു: അനധികൃത സ്വത്ത് സമ്പാദന കേസില് തമിഴ്നാട് മുന് മുഖ്യമന്ത്രി ജെ.ജയലളിതയുടെ തോഴി ശശികല നടരാജനെ നേരത്തെ ജയിലില് നിന്ന് മോചിപ്പിക്കില്ലെന്ന് ജയില് അധികൃതര്. കോടതി വിധി അനുസരിച്ച് 201 ജനുവരി 27നാണ് അവര് ജയില് മോചിതയാകുക. പിഴത്തുക അടച്ചില്ലെങ്കില് ഒരു മാസം കൂടി തടവുശിക്ഷ നീളുമെന്നും ജയില് അധികൃതര് വിവരാവകാശ നിയമപ്രകാരം സമര്പ്പിച്ച അപേക്ഷയില് മറുപടി നല്കി.
2017ലാണ്സുപ്രീം കോടതി ശശികലയെ ശിക്ഷിച്ചത്. ബംഗലുരുവിലെ പരപ്പന അഗ്രഹാര ജയിലിലാണ് ശശികല. ഓഗസ്റ്റ് എട്ടിനാണ് അഭിഭാഷകനായ ടി.നരസിംഗഹ മൂര്ത്തി ശശികലയുടെ മോചനത്തില് വിശദാംശം തേടി ജയില് അധികൃതര്ക്ക് അപേക്ഷ നല്കിയത്.
