ലോകത്തിലെ ഏറ്റവും നീളമുള്ള കാലുകള്ക്ക് ഉടമയാണ് പതിനേഴുകാരിയായ മാക്കി ക്യുറിന്. 135.267 സെന്റീമീറ്റര് നീളമാണ് മാക്കിയുടെ കാലുകള്ക്കെന്നാണ് ഗിന്നസ് വേള്ഡ് റെക്കോര്ഡ്സിന്റെ ഔദ്യോഗിക വെബ്സൈറ്റ് പറയുന്നത്. ആറടി പത്ത് ഇഞ്ചാണ് മാക്കിയുടെ ഉയരം. മാത്രമല്ല, ഏറ്റവും നീളമുള്ള കാലുകളുടെ ഉടമയായ കൗമാരക്കാരി എന്ന റെക്കോര്ഡും മാക്കിക്ക് സ്വന്തമാണ്.
'' ലോകമാകെയുള്ള ഉയരമുള്ളവരെ പ്രോത്സാഹിപ്പിക്കുകയാണ് ലക്ഷ്യം. 2018ലാണ് കാലുകളുടെ നീളത്തെ കുറിച്ച് ചിന്തിക്കാന് തുടങ്ങിയത്. സൈസിനു യോജിച്ച ലെഗിന്സ് കിട്ടാതെ വന്നപ്പോഴാണ് ആദ്യമായി ഇത്തരം ഒരു ടൈറ്റിലിനെ കുറിച്ച് ആലോചിച്ചത്.'' - മാക്കി പറയുന്നു. മാക്കിയുടെ അത്ര നീളം അച്ഛനോ അമ്മയ്ക്കോ സഹോദരങ്ങള്ക്കോ ഒന്നും തന്നെയില്ല.
മാക്കിയുടെ മൊത്തം ഉയരത്തിന്റെ അറുപതു ശതമാനവും കാലുകളുടെ നീളമാണെന്നതാണ് യാഥാര്ത്ഥ്യം. ലോകത്തിലെ ഏറ്റവും നീളമുള്ള കാലുകളുടെ ഉടമ എന്ന റെക്കോര്ഡ് മാക്കി സ്വന്തമാക്കിയതോടെ റഷ്യക്കാരിയായ എകറ്റിനാ ലിസിനയുടെ റെക്കോര്ഡാണ് മറി കടന്നത്. ആറടി 8.77 ഇഞ്ചായിരുന്നു ലിസിനയുടെ ഉയരം. കാലുകളുടെ നീളം132 സെന്റീ മീറ്ററും. 2017ലാണ് ലിസിന ലോകത്തില് ഏറ്റവും ഉയരമുള്ള പ്രൊഫഷണല് മോഡലായി തിരഞ്ഞെടുക്കപ്പെട്ടത്. ഈ റെക്കോര്ഡാണ് മാക്കി തിരുത്തിയത്.
