മുംബൈ: പാൽഘർ സംഭവത്തെകുറിച്ച് നടത്തിയ ചർച്ചയുടെ പേരിൽ റിപ്പബ്ലിക് ടിവി എഡിറ്റര് ഇന് ചീഫ് അര്ണബ് ഗോസ്വാമിക്ക് മുംബൈ പോലീസിന്റെ നോട്ടീസ്.
വെള്ളിയാഴ്ച വൈകീട്ട് നാലുമണിക്ക് സ്പെഷ്യല് എക്സിക്യൂട്ടീവ് മജിസ്ട്രേറ്റിന്റെയും അസിസ്റ്റന്റ് കമ്മിഷണര് ഓഫ് പോലീസിന്റെയും മുമ്പാകെ ഹാജരാകാനാണ് ആവശ്യപ്പെട്ടിരിക്കുന്നത്.
ചർച്ചക്കിടയിൽ 'ഹിന്ദുവായിയിരിക്കുന്നതും, കാവി വസ്ത്രം ധരിക്കുന്നതും കുറ്റമാണോയെന്നും ഇരകള് ഹിന്ദുക്കളല്ലായിരുന്നെങ്കില് ആളുകള് നിശബ്ദരായിരിക്കുമോയെന്നും' അർണാബ് ചോദിച്ചിരുന്നു.
അര്ണബിന്റെ പരാമര്ശം മതങ്ങൾക്കിടയിൽ സ്പർദ്ധ വളർത്തുമെന്നു വിലയിരുത്തി ഇന്ത്യന് ശിക്ഷാനിയമത്തിലെ 108-ാം വകുപ്പുപ്രകാരമാണ് നോട്ടീസ് അയച്ചിരിക്കുന്നത്.
ബാന്ദ്ര റെയില്വേ സ്റ്റേഷന് പുറത്ത് തടിച്ചുകൂടിയ കുടിയേറ്റ തൊഴിലാളികളെ കുറിച്ച് പ്രകോപനപരമായ പരാമര്ശങ്ങള് നടത്തിയതിനും പോലീസ് കേസ് രജിസ്റ്റര് ചെയിതിട്ടുണ്ട്.
