മുംബൈ: രാജ്യദ്രോഹക്കേസില് നടി കങ്കണ റണാവത്തിനും സഹോദരി രംഗോലിക്കും മുംബൈ പോലീസിന്റെ സമൻസ്.
ഇരുവരോടും ഈ മാസം 26, 27 തീയതികളില് ചോദ്യംചെയ്യലിന് ഹാജരാകണമെന്നാണ് നിര്ദ്ദേശം. കങ്കണ ബോളിവുഡിനെ അപകീര്ത്തിപ്പെടുത്താനും വര്ഗീയ വിഭജനമുണ്ടാക്കാനും ശ്രമിക്കുന്നുവെന്ന് ആരോപിച്ച് ഒരു കാസ്റ്റിങ് ഡയറക്ടറാണ് ഹര്ജി നൽകിയത്.
മുംബൈയെ പാക് അധീന കശ്മീരിനോട് ഉപമിച്ച കങ്കണ തനിക്ക് അവിടെ ജീവിക്കാന് ഭയമാണെന്നും പറഞ്ഞിരുന്നു. കൂടാതെ നടൻ സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട് നടത്തിയ ട്വീറ്റുകളുടെ പേരിലും പ്രശ്നങ്ങൾ ഉണ്ടായി.
കങ്കണയും മഹാരാഷ്ട്രയിലെ ഭരണ കക്ഷിയായ ശിവസേനയും തമ്മില് ഇതിന്റെ പേരിൽ തർക്കങ്ങൾ ഉണ്ടായിരുന്നു.
