കൊച്ചി: ബി.ജെ.പിയിലെ ആഭ്യന്തര ഭിന്നതകളില് മുതിര്ന്ന നേതാവ് ശോഭാ സുരേന്ദ്രനെ താക്കീത് ചെയ്ത് പാര്ട്ടി ദേശീയ ഉപാധ്യഷന് എ.പി അബ്ദുള്ളക്കുട്ടി. അഭിപ്രായം പറയാന് എല്ലാവര്ക്കും സ്വാതന്ത്ര്യമുണ്ട്. എന്നാല് സംഘടനയ്ക്കുള്ളില് അഭിപ്രായം പറയുന്നതാണ് മര്യാദയെന്നും അബ്ദുള്ളക്കുട്ടി പറഞ്ഞു.
ബി.ജെ.പി സംസ്ഥാന അധ്യക്ഷന് കെ. സുരേന്ദ്രനെതിരെ പാര്ട്ടിക്കുള്ളില് ഭിന്നത രൂക്ഷമായിരിക്കുകയാണ്. പാര്ട്ടി അധ്യക്ഷന് ഒരു വിഭാഗം നേതാക്കളെ തഴയുന്നുവെന്നാണ് പരാതി. നേതാക്കളായ ശോഭാ സുരേന്ദ്രന്, പി.എം വേലായുധന്, ശ്രീശന് എന്നിവരാണ് പരസ്യമായി രംഗത്ത് വന്നത്. ഇതിന് പുറമെ 24 പ്രമുഖ നേതാക്കള് പാര്ട്ടി നേതൃത്വത്തിന് കത്തയയ്ക്കുകയും ചെയ്തു.
ബി.ജെ.പിയിലെ പ്രശ്നങ്ങള് തീര്ക്കാന് ആര്.എസ്.എസ് നേതൃത്വവും ശ്രമിച്ചിരുന്നു. പരാജയപ്പെട്ട സംസ്ഥാന അധ്യഷന് എന്ന പേര് വരാതെ നോക്കണമെന്ന് കെ. സുരേന്ദ്രന് ആര്.എസ്.എസ് നേതൃത്വം താക്കീത് നല്കി. സംസ്ഥാന അധ്യക്ഷ പദവി ഇല്ലാതായാല് രാഷ്ട്രീയ വിസ്മൃതിയിലാണ്ട് പോകേണ്ട സ്ഥിതിയുണ്ടാകുമെന്നും ആര്.എസ്.എസ് നേതൃത്വം മുന്നറിയിപ്പ് നല്കിയിരുന്നു.
