രാമപുരം: വനിതാ എസ്.ഐയെയും പോലീസുകാരെ ആക്രമിച്ചശേഷം കടന്ന് കളഞ്ഞ പ്രതികളെ പിടികൂടാന് പാലാ ഡി.വൈ.എസ്.പി., മരങ്ങാട്ടു പിള്ളി സര്ക്കിള് ഇന്സ്പെക്ടര് എന്നിവരുടെ നേതൃത്വത്തില് പ്രത്യേക സ്ക്വാഡ് രൂപീകരിച്ചു.
ഞായറാഴ്ച രാവിലെ 9.30 ന് മരങ്ങാട് ജാഗ്രതാ സമിതി കേന്ദ്രത്തിന് സമീപത്ത് വച്ചു പട്രോളിങ്ങിനു പോയ രാമപുരം എസ്.ഐ. വി.പി. ഡിനി, പോലീസുകാരായ വിനോദ്, ആര്. ജഗതി എന്നിവരെ ആക്രമിച്ച കേസില് ഒളിവില്പോയ തച്ചുപറമ്പില് ദീപക് ജോണ്, െമെലയ്ക്കല് ബെന്നറ്റ് എന്നിവരെ പിടികൂടാനായാണു സ്ക്വാഡ് രൂപീകരിച്ചത്.
അരനൂറ്റാണ്ടിനപ്പുറം പ്രവര്ത്തന പാരമ്പര്യമുള്ള രാമപുരം പോലീസ് സ്റ്റേഷന്റെ ചരിത്രത്തിലാദ്യമായി വനിതാ പ്രിന്സിപ്പല് എസ്.ഐ. അടുത്തകാലത്താണ് ചുമതലയേറ്റത്. അപ്പോള് രാമപുരത്തെ പെണ്കുട്ടികളും അമ്മമാരും ഏറെ സന്തോഷിച്ചു. തങ്ങളുടെ ബുദ്ധിമുട്ടുകള്, പരാതികള് എപ്പോള് വേണമെങ്കിലും എസ്.ഐയോടു വിളിച്ചു പറയാമല്ലോ... ഫോണിന്റെ മറുതലയ്ക്കല് ഒരു സഹോദരിയായി വനിതാ എസ്.ഐ. എ.പി. ഡിനിയുണ്ടാവും.
കഴിഞ്ഞ ദിവസം പ്രിന്സിപ്പല് സബ് ഇന്സ്പെക്ടറായി ചുമതലയേറ്റ എറണാകുളം സ്വദേശിയായ ഡിനിക്ക് രാമപുരം സി.ഐ.യുടെ (സ്േറ്റഷന് ഹൗസ് ഓഫീസര്) അധികച്ചുമതല കൂടി വന്നു ചേരുകയായിരുന്നു. രാമപുരം സി.ഐ. ആയിരുന്ന അജേഷ് കുമാര് ഒരു അസുഖത്തെത്തുടര്ന്ന് ഒരു മാസത്തേക്ക് അവധിയില് പോയതോടെയാണു ഡിനിക്ക് ഈ ചുമതല കൂടി ലഭിച്ചത്. 2018ലെ പ്രഥമ വനിതാ എസ്. ഐ. ബാച്ചിലെ അംഗമായ ഡിനിയ്ക്ക് മാത്രമാണിപ്പോള് എസ്.എച്ച്.ഒയുടെ കൂടി ചുമതലയുള്ളെതന്നതും അപൂര്വതയായി.
വിജിലന്സില് 10 വര്ഷത്തോളം മിനിസ്റ്റീരിയില് സ്റ്റാഫായിരുന്ന ഡിനി 2013 -ലാണ് എസ്.ഐ. ടെസെ്റ്റഴുതിയത്. 2018ലായിരുന്നൂ പരിശിലീനം. തിരുവനന്തപുരത്ത് മെക്കാനിക്കല് എന്ജിനീയറായിരുന്ന ഭര്ത്താവ് എം.കെ. പ്രതീഷിന്റെ നിര്ബന്ധത്തെത്തുടര്ന്നാണു ഡിനി എസ്.ഐയായി ചേര്ന്നത്. എന്നാല്, പാസിങ് ഔട്ടിന് ഒരു മാസം മുമ്പേ ഹൃദയാഘാതം മൂലം പ്രതീഷ് മരണമടഞ്ഞത് ഡിനിക്കും കുടുംബത്തിനും കനത്ത ആഘാതമായി. മകള് മേഘ എം. പ്രതീഷ് ഡിഗ്രിക്കും, മകന് പ്രണവ് കൃഷ്ണ അഞ്ചാം ക്ലാസിലും പഠിക്കുന്നു.
ആലപ്പുഴയിലെ അരൂര്, കുത്തിയതോട് പോലീസ് സ്റ്റേഷനുകളില് പ്രൊബേഷന്, ജൂനിയര് എസ്.ഐ. തസ്തികളില് സേവനമനുഷ്ഠിച്ച ശേഷം പ്രിന്സിപ്പല് എസ്. ഐയായി രാമപുരത്ത് ഇതാദ്യ നിയമനം. രാമപുരത്ത് ആദ്യമായി എസ്.ഐയായി വനിത ചുമതലയേറ്റതോടെ സ്ത്രീകള്ക്കും പെണ്കുട്ടികള്ക്കുമാണ് ഏറെ സന്തോഷവും ആശ്വാസവും.
രാമപുരം പഞ്ചായത്തിലെ ചില വനിതാ മെമ്പര്മാരും അധ്യാപികമാരും ഡിനിക്ക് ആശംസകളും ഭാവുകങ്ങളും നേര്ന്നു. രാത്രി പട്രോളിങ്ങില് ഉള്പ്പെടെ സജീവമായി ഡിനി രാമപുരത്തെ പോലീസിനെ നയിക്കുകയാണിപ്പോള്.
ദീപക് മേലുകാവ് പോലീസ് സ്േറ്റഷനില് നിരവധി ക്രിമിനല് കേസുകളില് പ്രതിയാണ്. ഏതാനും ദിവസങ്ങള്ക്ക് മുന്പാണു ജാമ്യമെടുത്ത് പുറത്തിറങ്ങിയത്. സംഭവത്തില് അഭിഭാഷകനായ മരങ്ങാട് വടയാറ്റുകുന്നേല് വിപിന് ആന്റണി(27)നെ പോലീസ് സംഭവസ്ഥലത്ത് വച്ച് തന്നെ പോലീസ് പിടികൂടിയിരുന്നു. ഇയാള് റിമാന്ഡിലാണ്.
