കൊച്ചി: പാലാരിവട്ടം പാലം അഴിമതിക്കേസില് അറസ്റ്റിലായ മുന് മന്ത്രി വി കെ ഇബ്രാഹിംകുഞ്ഞിന്റെ ജാമ്യാപേക്ഷയിലും കസ്റ്റഡി അപേക്ഷയിലും മൂവാറ്റുപുഴ വിജിലന്സ് കോടതി ഇന്ന് വിധി പറയും. നിലവില് രണ്ടാഴ്ചത്തെ ജുഡീഷ്യല് കസ്റ്റഡിയിലാണ് ഇബ്രാഹിംകുഞ്ഞ്
ഇതിനിടെ, ഇബ്രാഹിംകുഞ്ഞിന്റെ ആരോഗ്യസ്ഥിതി മോശമാണെന്ന് കാണിച്ച് മെഡിക്കല് ബോര്ഡ് റിപ്പോര്ട്ട് നല്കിയിരുന്നു. ഇതേതുടര്ന്ന് ഇബ്രാഹിംകുഞ്ഞിനെ തുടര്ചികിത്സയ്ക്കായി സര്ക്കാര് ആശുപത്രിയിലക്ക് മാറ്റണമെന്ന ആവശ്യത്തില് നിന്ന് വിജിലന്സ് പിന്മാറി. അതേസമയം ലേക് ഷോര് ആശുപത്രിയില് വച്ച് ചോദ്യം ചെയ്യാന് അനുമതി നല്കണമെന്ന് വിജിലന്സ് ആവശ്യപ്പെട്ടിട്ടുണ്ട്.
