കൊച്ചി: കശുവണ്ടി വികസന കോര്പ്പറേഷനിലെ അഴിമതി ചൂണ്ടിക്കാട്ടയിട്ടും സംസ്ഥാന സര്ക്കാര് പരിഗണിച്ചില്ലെന്നു ഹൈക്കോടതിയോട് സിബിഐ. ഇക്കാര്യത്തില് തെളിവുകള് നല്കിയിട്ടും പ്രോസിക്യൂഷന് അനുമതി നിഷേധിച്ചു. സംസ്ഥാന സര്ക്കാര് അനുവദിച്ചില്ലെങ്കിലും അന്വേഷണവുമായി മുമ്പോട്ട് പോകുമെന്നു സിബിഐ കോടതിയില് പറഞ്ഞു.
കേസില് കോര്പ്പറേഷന് മുന് എംഡിയ്ക്കും മുന് ചെയര്മാനെയും പ്രോസിക്യൂട്ട് ചെയ്യാനുള്ള അപേക്ഷ സര്ക്കാര് നേരത്തേ തള്ളിയിരുന്നു. മുന് എംഡി കെ എ രതീഷും മൂന് ചെയര്മാന് ചന്ദ്രശേഖറും അടക്കമുള്ളവരാണ് അഴിമതിക്കായി ഗൂഡാലോചന നടത്തി. ഇക്കാര്യം സാക്ഷിമൊഴികളും തെളിവുകളും നിരത്തി വ്യക്തമാക്കിയിട്ടും സര്ക്കാര് പ്രോസിക്യൂഷന് അനുമതി നിഷേധിച്ചു. അഴിമതി സംബന്ധിച്ച കണ്ടെത്തലുകളെ സംസ്ഥാന സര്ക്കാര് സാങ്കേതികത്വത്തിന്റെ പേര് പറഞ്ഞ് തെറ്റായി വ്യാഖ്യാനിക്കുകയായിരുന്നു എന്നും സത്യവാങ്മൂലത്തില് പറയുന്നു.
ഇവരെ പ്രോസിക്യൂട്ട് ചെയ്യാനുള്ള അനുമതി നിഷേധിച്ചത് തെളിവില്ലെന്ന് പറഞ്ഞായിരുന്നു. കേസിലെ മൂന്നാംപ്രതിയും മുന് ചെയര്മാനുമായ ആര് ചന്ദ്രശേഖരന് ഐഎന്ടിയുസി നേതാവാണ്. 500 കോടിയിലേറെ രൂപയുടെ അഴിമതി നടന്നുവെന്ന ഹര്ജിയിലാണ് ഹൈക്കോടതി സിബിഐ അന്വേഷണത്തിന് ഉത്തരവിട്ടത്.
