ന്യൂഡല്ഹി: വിവാദ കാര്ഷിക നിയമങ്ങള് പിന്വലിക്കണമെന്ന് ആവശ്യപ്പെട്ട് പ്രതിഷേധിക്കുന്ന കര്ഷകര്ക്ക് പിന്തുണയുമായി തുടരെ വിളിച്ച് ബംഗാള് മുഖ്യമന്ത്രിയും തൃണമുല് കോണ്ഗ്രസ് അധ്യക്ഷയുമായ മമത ബാനര്ജി. ഡല്ഹി-ഹരിയാന അതിര്ത്തിയില് പ്രതിഷേധിക്കുന്ന കര്ഷകരെ വെള്ളിയാഴ്ച തുടരെ വിളിച്ച് സംസാരിച്ചാണ് പിന്തുണ മമത പിന്തുണ അറിയിച്ചത്.
തൃണമുല് കോണ്ഗ്രസില് നിന്നുള്ള പൂര്ണ പിന്തുണ പ്രഖ്യാപിച്ചതായി മമത വ്യക്തമാക്കി. ബംഗാളിനു കഴിയുന്ന വിധത്തില് പിന്തുണയ്ക്കുമെന്നും മമത പറഞ്ഞു. രാജ്യം വില്ക്കാന് പ്രധാനമന്ത്രി മോഡിയെ അനുവദിക്കില്ലെന്നും അവര് കൂട്ടിച്ചേര്ത്തു.
അതേസമയം കാര്ഷിക നിയമങങള് പിന്വലിക്കണമെന്നും, കര്ഷകരോട് മാപ്പ് പറയണമെന്നും രാജസ്ഥാന് മുഖ്യമന്ത്രി അശോക് ഗെലോട്ട് കേന്ദ്രത്തോട് ആവശ്യമുയര്ത്തി.
അതിനിടെ രാജ്യ തലസ്ഥാനത്ത് പ്രതിഷേധിക്കുന്ന കര്ഷകരെ ഉടന് മാറ്റണമെന്ന് ആവശ്യപ്പെട്ട് സുപ്രീംകോടതിയില് ഹര്ജി. കോവിഡ് 19 വര്ദ്ധിച്ച് വരുന്ന സാഹചര്യത്തില് കൂടുതല് അപകടസാധ്യതയുണ്ടാക്കുന്നതിനാല് പ്രതിഷേധിക്കുന്ന കര്ഷകരെ അതിര്ത്തി പ്രദേശങ്ങളില് നിന്ന് നീക്കം ചെയ്യണമെന്നാണ് ഹര്ജിയില് ആവശ്യമുയര്ത്തിയിരിക്കുന്നത്.
