ടെഹ്റാന് : ഹോളിവുഡ് സൂപ്പര്നായിക ആഞ്ജലീന ജോളിയുടെ വികൃത പതിപ്പ് എന്ന് വിശേഷിപ്പിക്കുന്ന ഇറാനിയന് പെണ്കുട്ടി സഹര് ടബാറിന് 10 വര്ഷം തടവ് ശിക്ഷയെന്ന് റിപ്പോര്ട്ട്. ആഞ്ജലീന ജോളിയുടെ വികൃതരൂപം സൃഷ്ടിച്ച് അതിന്റെ ചിത്രങ്ങള് സാമൂഹ്യമാധ്യമങ്ങളില് പോസ്റ്റ് ചെയ്ത് ഇവര് വലിയ ശ്രദ്ധനേടിയ ടെഹ്റാനില് നിന്നുള്ള ഫത്തേമേ ഖിഷ്വാണ്ട് എന്ന 19 കാരിയാണ് സഹര് ടെബാര്.
സാമൂഹ്യ മാധ്യമങ്ങളില് നടത്തിയ വ്യാജ ഇടപെടലുകളുടെ പേരില് 19 കാരി കഴിഞ്ഞ വര്ഷം അറസ്റ്റ് ചെയ്യപ്പെട്ടിരുന്നു. ആഞ്ജലീന ജോളിയുടെ വികൃതരൂപം സൃഷ്ടിച്ച് അതിന്റെ ചിത്രങ്ങള് സാമൂഹ്യമാധ്യമങ്ങളില് പോസ്റ്റ് ചെയ്ത് ഇവര് വലിയ ശ്രദ്ധനേടിയിരുന്നു. ആരാധകരെ ഈ രീതിയില് കബളിപ്പിച്ചതിന്റെ പേരിലാണ് കുടുങ്ങിയത്. ഇന്സ്റ്റാഗ്രാമിലെ മൂന്ന ആരാധകര് ഉള്പ്പെടെ ടബാര് 2019 ഒക്ടോബര് 5 ന് അറസ്റ്റിലായിരുന്നു.
സഹര് ടബാറിന് 10 വര്ഷം തടവ് ശിക്ഷ കിട്ടിയ കാര്യം പുറത്തു വിട്ടത് ഇറാനിയന് മാധ്യമപ്രവര്ത്തക മാസി അലിനെജാദാണ്. ജയിലില് നിന്നും അവരെ മോചിപ്പിക്കാന് മാതാവ് സഹായം തേടിയിട്ടുണ്ടെന്ന വിവരവും ട്വിറ്ററിലെ പോസ്റ്റില് മാസി കുറിച്ചു. തെറ്റിദ്ധാരണ പരത്തി സമൂഹത്തെ വഞ്ചിച്ചതിന് 10 വര്ഷം തടവുശിക്ഷ വിധിക്കപ്പെട്ടെന്ന് ടബാറിന്റെ അഭിഭാഷകനെ ഉദ്ധരിച്ചാണ് മാസി വാര്ത്ത പുറത്തുവിട്ടത്.
'' ഒരു ചെറിയ തമാശ അവളെ ജയിലിലാക്കി. മേക്കപ്പും ഫോട്ടോഷോപ്പ് എഡിറ്റിംഗും ഉപയോഗിച്ച് വികൃത ആഞ്ജലീനയെ സൃഷ്ടിച്ച ഇറാനിയന് ഇന്സ്റ്റാഗ്രാമര് 19 കാരി സഹര് ടബാറിന് 10 വര്ഷത്തെ ജയില്. അവളുടെ മാതാവ് ഇപ്പോള് നിരപരാധിയായ മകളുടെ സ്വാതന്ത്ര്യത്തിന് വേണ്ടി വിലപിക്കുകയാണ്. നിങ്ങളുടെ ശബ്ദമാണ് ഇവിടെ വേണ്ടത്. സഹായിക്കൂ...'' മാസിയുടെ ട്വീറ്റും വൈറലായി മാറിയിട്ടുണ്ട്.
മകളെ ജയില് മോചിതയാക്കാന് സാക്ഷാല് ആഞ്ജലീനയോടും ടബാറിന്റെ മാതാവ് സഹായം ആവശ്യപ്പെട്ടിട്ടുണ്ട്. '' സ്ത്രീകളെ പീഡിപ്പിക്കുന്നതാണ് ഇസഌമിക രാജ്യങ്ങളുടെ ചരിത്രം. ഈ ലിംഗ വിവേചനത്തിനെതിരേ ഒരുമിച്ച് നില്ക്കേണ്ടതുണ്ട്.'' ടബാറിന്റെ മാതാവ് പറയുന്നു.
ദൈവനിന്ദ, അക്രമം പ്രേരിപ്പിക്കല്, യുവാക്കളെ തെറ്റായ കാര്യങ്ങളിലേക്ക് പ്രചോദനം നല്കുന്ന രീതിയില് മോശമായ രീതിയില് വരുമാനം നേടല് തുടങ്ങിയ കുറ്റങ്ങളാണ് ടബാറിനെതിരേ ചുമത്തിയിരിക്കുന്നത്. 2017 ലാണ് ടബാര് ശ്രദ്ധയിലേക്ക് വരുന്നത്. തന്റെ ഇഷ്ടനായികയായ ഹോളിവുഡ് താരത്തെ പോലെ ആകാന് 50 ശസ്ത്രക്രിയകള്ക്ക് വിധേയമാമെന്ന് പ്രചരിപ്പിച്ചു. മൂക്കിനും ചുണ്ടിനും മറ്റും ശസ്ത്രക്രിയ നടത്തിയെന്നായിരുന്നു പറഞ്ഞിരുന്നത്. ആരാധകരെ പറ്റിച്ച വിവരം 2019 ലാണ് ടബാര് തുറന്നു പറഞ്ഞത്.
മേക്കപ്പും ഫോട്ടോഷോപ്പുമായിരുന്നു ലുക്കിന് പിന്നിലെന്ന വെളിപ്പെടുത്തല് രണ്ടു വര്ഷം കഴിഞ്ഞപ്പോള് ടബാര് നടത്തി. ആഞ്ജലീന ജോളിയെ പോലെയോ കാര്ട്ടൂണ് കഥാപാത്രമായ കോര്പ്സ് ബ്രൈഡിനെ പോലെയോ ആകാന് ഒരിക്കലും ചിന്തിച്ചിട്ടില്ലെന്നായിരുന്നു തുറന്നു പറച്ചില്. ഈ വര്ഷം ഏപ്രിലില് മറ്റൊരു തട്ടിപ്പ് വെളിപ്പെടുത്തല് കൂടി ടബാര് നടത്തി. താന് കോവിഡ് ബാധിതയായിരിക്കുകയാണെന്നായിരുന്നു അത്.
