തിരുവനന്തപുരം: തിരഞ്ഞെടുപ്പ് പ്രചരണത്തിന് വിട്ട് നിന്ന നേതാക്കള്ക്കെതിരെ അച്ചടക്കനടപടിക്കൊരുങ്ങി കെ സുരേന്ദ്രന്. ചിലരെല്ലാം പ്രചരണത്തില് നിന്ന് വിട്ട് നിന്നെന്നും ഇക്കാര്യം പരിശോധിച്ച് ആവശ്യമായ നടപടി സ്വീകരിക്കുമെന്ന് സുരേന്ദ്രന് പറഞ്ഞു. ശോഭ സുരേന്ദ്രന് അടക്കമുള്ള നേതക്കള്ക്കെതിരെയാണ് നടപടി ഉണ്ടാവുക.
അതേസമയം ശോഭ സുരേന്ദ്രന് അടക്കമുളള നേതാക്കള് സുരേന്ദ്രനെതിരെ ശക്തമായ വിമര്ശനമാണ് പാര്ട്ടിയില് ഉന്നയിച്ചുകൊണ്ടിരിക്കുന്നത്. ഇതിനിടയിലാണ് അച്ചടക്കനടപടിക്കൊരുങ്ങി സുരേന്ദ്രന് രംഗത്തെത്തിയത്. സംസ്ഥാനത്തെ ബിജെപിയുടെ പുനഃസംഘടനയില് പ്രതിഷേധിച്ച് ശോഭ സുരേന്ദ്രന് ഉള്പ്പടെയുള്ള ഒരു വിഭാഗം നേതാക്കളാണ് തിരഞ്ഞെടുപ്പ് പ്രചരണത്തില് പങ്കെടുക്കാതിരുന്നത്.
ശോഭ സുരേന്ദ്രനെ അനുകൂലിക്കുന്ന പി എം വേലായുധന്, ജെ ആര് പത്മകുമാര് അടക്കമുള്ള നേതാക്കള് പ്രചരണങ്ങളില് സജീവമായിരുന്നില്ല. എന്നാല് സുരേന്ദ്രനെ എതിര്ത്ത കൃഷ്ണദാസ് പക്ഷം തിരഞ്ഞെടുപ്പ് പ്രചരണങ്ങളില് സജീവമായിരുന്നു. തങ്ങളെ അവഗണിക്കുന്നുവെന്ന പരാതി പരിഹരിക്കാത്തതിനാലാണ് പ്രചരണങ്ങളില് സജീവമാകാതിരുന്നതെന്ന് ശോഭ സുരേന്ദ്രന് വിഭാഗം നേരത്തെ തന്നെ വ്യക്തമാക്കിയിരുന്നു.
തദ്ദേശതിരഞ്ഞെടുപ്പില് പ്രതീക്ഷിച്ച നേട്ടം ബിജെപിക്ക് ഉണ്ടാക്കാന് കഴിയാതെ വന്നതോടെയാണ് ബിജെപിക്കുള്ളിലെ ഗ്രൂപ്പ് പോര് മുറുകുന്നത്. എന്നാല് ബിജെപിയുടേത് മികച്ച പ്രകനമാണെന്നായിരുന്നു കെ സുരേന്ദ്രന് അവകാശപ്പെട്ടിരുന്നത്. മുന് തിരഞ്ഞെടുപ്പുകളെ അപേക്ഷിച്ച് ബിജെപിക്ക് എട്ടു ലക്ഷത്തോളം വോട്ടുകള് ലഭിച്ചുവെന്നും സുരേന്ദ്രന് പറഞ്ഞു.
