ഭോപ്പാല്: മാഫിയകള് ഈ സംസ്ഥാനം വിട്ടു പോയില്ലെങ്കില് എല്ലാറ്റിനെയും കൊന്നു കുഴിച്ചുമൂടുമെന്ന് മദ്ധ്യപ്രദേശ് മുഖ്യമന്ത്രി ശിവ്രാജ് സിംഗ് ചൗഹാന്. താന് ഇപ്പോള് ഏറ്റവും അപകടകാരിയെന്ന നിലയിലുള്ള മാനസീകാവസ്ഥയിലാണെന്നും ഇവിടം വിട്ടുപോയില്ലെങ്കില് എല്ലാറ്റിനെയും 10 അടി താഴ്ചയില് കുഴിച്ചുമൂടുമെന്നും പറഞ്ഞു. നിയമവിരുദ്ധ പ്രവര്ത്തനങ്ങള് നടത്തുന്ന ആരേയും വെറുതേ വിടില്ലെന്നും എല്ലാവരും പരിപാടി അവസാനിപ്പിച്ച് മദ്ധ്യപ്രദേശ് വിടണമെന്നുമാണ് പറഞ്ഞിരിക്കുന്നത്.
നല്ല ഭരണം എന്നാല് ജനങ്ങള്ക്ക ബുദ്ധിമുട്ടുണ്ടാക്കാതിരിക്കലാണ്. ബിജെപി സര്ക്കാര് അധോലോക പ്രവര്ത്തനങ്ങള് ചെയ്യുന്നവര്ക്ക് പൂക്കള് വിതറുക ഇല്ലെന്നും തണ്ടര് ബോള്ട്ട് ചെയ്യുന്നതിനേക്കാള് മാരകമായ കാര്യം ചെയ്യുമെന്നും നേരത്തേ പറഞ്ഞിരുന്നു. മയക്കുമരുന്ന് കടത്തുകാര്, ഭൂമാഫിയ, ചിട്ടിഫണ്ട് മാഫിയ, ഗുണ്ടാവിളയാട്ടം, തുടങ്ങിയവയൊന്നും അനുവദിക്കില്ല. മയക്കുമരുന്ന് പ്രശ്നം പരിഹരിക്കാന് സംസ്ഥാന സര്ക്കാര് കേന്ദ്ര വകുപ്പുകളുമായി ചര്ച്ച നടത്തും.
മയക്കുമരുന്ന് കടത്തുകാരെ പിടികൂടാന് നിര്ദേശം നല്കിയിരിക്കുകയാണ്. മയക്കുമരുന്ന് മാഫിയയെ തുരത്താന് ഡിസംബര് 15 മുതല് 22 വരെ പ്രത്യേക പരിപാടി ചെയ്യാന് അദ്ദേഹം നാര്ക്കോട്ടിക് കണ്ട്രോള് ബ്യൂറോയ്ക്ക് നേരത്തേ നിര്ദേശം നല്കിയിരുന്നു. മനുഷ്യ സമൂഹത്തിന് എതിരേ നില്ക്കുന്നവരെന്ന് മയക്കുമരുന്ന് മാഫിയയെ വിശേഷിപ്പിച്ച ശിവ്രാജ് സിംഗ് ചൗഹാന് ഏതു സാഹചര്യത്തിലായാലും ഇവരെ വെറുതേ വിടേണ്ടതില്ലെന്നാണ് എന്സിബി ഉദ്യോഗസ്ഥരുടെ യോഗത്തില് പറഞ്ഞത്.
മദ്ധ്യപ്രദേശിലെ 15 ജില്ലകളില് ഏറ്റവും ശക്തമായ പ്രവര്ത്തനം മയക്കുമരുന്ന് മാഫിയ നടത്തുന്നത് മാള്വയിലും മഹാകോശാലിലുമാണ്. നൈജീരിയക്കാരായ ആള്ക്കാരാണ് ഇവിടെ മയക്കുമരുന്ന് എത്തിക്കുന്നതെന്നും സംഘം മുംബൈയിലും ഗുജറാത്തിലും അന്വേഷണം നടത്തുമെന്നും ശിവ്രാജ് സിംഗ് ചൗഹാന് പറഞ്ഞു. സംസ്ഥാന തലസ്ഥാനമായ ഭോപ്പാല് പോലും ്ബഌക്ക് ലിസ്റ്റിലാണ് പെടുന്നതെന്നാണ് സര്ക്കാര് വൃത്തങ്ങള് നല്കുന്ന സൂചന. ഇന്ഡോര്, ഉജ്ജെയ്ന്, മാന്ഡ്സൗര്, നീമക്ക്, രത്ലം, മാള്വ, ജബല്പൂര്, ചിന്ത്വാര, നരസിംഹപൂര്, മഹാകോശാല് എന്നിവയാണ് മയക്കുമരുന്ന ഇടപാട് നടക്കുന്ന മറ്റ് പ്രധാന ഇടങ്ങളായി എന്സിബി പറയുന്നത്.
