തിരുവനന്തപുരം: ഇടതുപക്ഷ സര്ക്കാറിന്റെ അവസാന ബജറ്റില് അടുത്ത കാലത്ത് നമ്മെവിട്ടു പിരിഞ്ഞ രണ്ടു പ്രതിഭകള്ക്കായി സ്മാരകം സമര്പ്പിക്കുന്നു. പ്രമുഖസോഷ്യലിസ്റ്റ് നേതാവ് എം.പി. വീരേന്ദ്ര കുമാറിനും കവയിത്രി സുഗതകുമാരിക്കുമാണ് സ്മാരകം നിര്മ്മിക്കുന്നതിനായി തുക അനുവദിച്ചത്.
വീരേന്ദ്രകുമാറിന് കോഴിക്കോട് സമുചിത സ്മാരകം നിര്മ്മിക്കുന്നതിനായി അഞ്ചു കോടി രൂപ അനുവദിച്ചു. സുഗതകുമാരിയുടെ വീട് സംരക്ഷിത സ്മാരകത്തിനായി നിലനിര്ത്തും. സ്മാരക മന്ദിരത്തില് മലയാള കവിതയുടെ ദൃശ്യ-ശ്രവ്യ ശേഖരവും മ്യൂസിയവും സ്ഥാപിക്കുന്നതിനായി രണ്ടുകോടിയും സംസ്ഥാന ബജറ്റില് അനുവദിച്ചു.
