ന്യൂഡല്ഹി: കര്ഷക ക്ഷേമത്തിനായി സര്ക്കാര് പൂര്ണമായും പ്രതിജ്ഞാബദ്ധമാണെന്ന് രാഷ്ട്രപതി റാം നാഥ് കോവിന്ദ്. 72-ാം റിപ്പബ്ലിക് ദിനത്തിന്റെ തലേന്ന് രാഷ്ട്രത്തെ അഭിസംബോധന ചെയ്ത് സംസാരിക്കവെയാണ് കാര്ഷിക നിയമങ്ങളെ ചൂണ്ടിക്കാട്ടി, കര്ഷക ക്ഷേമത്തിനായി രാജ്യം പ്രതിജ്ഞാബദ്ധമാണെന്ന് അദേഹം പറഞ്ഞത്.
വേഗത്തില് നടക്കുന്ന സാമ്പത്തിക-പരിഷ്കരണ നടപടികള്ക്ക് തൊഴില്, കാര്ഷിക മേഖലകളിലെ പരിഷ്കരണ നിയമങ്ങള് വഴി പിന്തുണ ലഭിക്കുന്നു. പരിഷ്കരണത്തിനുള്ള പാത ആദ്യ ഘട്ടത്തില് തെറ്റിദ്ധാരണ സൃഷ്ടിച്ചേക്കാം എന്നും അദേഹം വ്യക്തമാക്കി.
കൊറോണ വൈറസെന്ന പൊതുശത്രുവില് നിന്ന് പരസ്പരം സംരക്ഷിക്കാന് മാതൃകാപരമായ ത്യാഗങ്ങള് ചെയ്തുകൊണ്ട് ഇന്ത്യക്കാര് അടുപ്പമുള്ള ഒരു കുടുംബം പോലെ ആയെന്നും അദേഹം പ്രശംസിച്ചു. കോവിഡ് 19 രോഗികളെ പരിചരിക്കുന്നതിനായി സ്വന്തം ജീവന് അപകടത്തിലാക്കും വിധം ആരോഗ്യ പ്രവര്ത്തകരും, ആരോഗ്യപരിരക്ഷവ രംഗത്തെ ഭരണനിര്വാഹകരര്, ശുചീകരണ തൊഴിലാളികള് എന്നിവരെക്കുറിച്ചാണ് ഇപ്പോള് ചിന്തിക്കുന്ന തെന്ന് രാഷ്ട്രപതി പറഞ്ഞു. വികസിത രാജ്യങ്ങളെ അപേക്ഷിച്ച് നമ്മുടെ രാജ്യത്ത് വൈറസിനെ നിയന്ത്രിക്കുന്നതിലും മരണനിരക്ക് കുറയ്ക്കുന്നതിലും നമ്മുടെ ശാസ്ത്രജ്ഞരും ഡോക്ടര്മാരും ഭരണകര്ത്താക്കളും ജീവിതത്തിന്റെ മറ്റ് തുറകളിലുള്ളവരും വലിയ സംഭാവനകള് നല്കിയതയായി രാഷ്ട്രപതി പറഞ്ഞു. ഗല്വാന് താഴ്വരയിലുണ്ടായ ഏറ്റുമുട്ടലില് രാജയത്തിനായി ജീവത്യാഗം ചെയ്ത സൈനികരെയും രാഷ്ട്രപതി ഓര്മ്മിച്ചു. എന്ത് വില കൊടുത്തും നമ്മുടെ ദേശീയ താത്പര്യം സംരക്ഷിക്കപ്പെടുമെന്നും അദേഹം കൂട്ടിച്ചേര്ത്തു.
