കൊല്ക്കത്ത: നെഞ്ചുവേദനയെത്തുടര്ന്ന് ആശുപത്രിയില് പ്രവേശിപ്പിച്ച മുന് ഇന്ത്യന് താരവും ബിസിസിഐ പ്രസിഡന്റുമായ സൗരവ് ഗാംഗുലിയെ വീണ്ടും ആന്ജിയോപ്ലാസ്റ്റിക്ക് വിധേയനാക്കി. കൊല്ക്കത്തയിലെ അപ്പോളോ ആശുപത്രിയിലാണ് ഗാംഗുലിയെ ആന്ജിയോപ്ലാസ്റ്റിക്ക് വിധേയനാക്കിയത്. ഗാംഗുലിയുടെ ഹൃദയധമനികളില് രണ്ട് സ്റ്റെന്റുകള് ഇട്ടതായും അപ്പോളോ ആശുപത്രിയിലെ ഡോക്ടര്മാര് അറിയിച്ചു.
കഴിഞ്ഞമാസം നെഞ്ചുവേദനയെത്തുടര്ന്ന് ഗാംഗുലിയെ ആശുപത്രിയില് പ്രവേശിപ്പിച്ചിരുന്നു. അന്ന് ആന്ജിയോപ്ലാസ്റ്റിക്ക് വധേയനാക്കിയിരുന്നു. ഈ മാസം ബുധനാഴ്ച വീണ്ടും നെഞ്ചില് അസ്വസ്ഥത അനുഭവപ്പെട്ടതിനെ തുടര്ന്ന് വീണ്ടും പരിശോധനകള്ക്കായി ആസുപത്രിയില് എത്തിയത്. ഗാംഗുലിയുടെ ശസ്ത്രക്രിയ വിജയകരമായിരുന്നുവെന്നും രണ്ട് സ്റ്റെന്റുകള് കൂടി ഘടിപ്പിച്ചുവെന്നും ഗാംഗുലിയെ സന്ദര്ശിച്ച ശേഷം മുഖ്യമന്ത്രി മമത ബാനര്ജി മാധ്യങ്ങളോട് പറഞ്ഞു.
ഗാഹുലി സംസാരിക്കുന്നുണ്ടെന്നും അദേഹത്തിന്റെ ഭാര്യമായി സംസാരിച്ചുവെന്നും മമത പറഞ്ഞു. ഗാംഗുലിക്ക് മറ്റ് ആരോഗ്യപ്രശ്നങ്ങളോന്നുമില്ലെന്നും അദേഹത്തിന്റെ മറ്റ് എല്ലാ അവയവങ്ങളുടെ പ്രവര്ത്തനം സാധരണനിലയിലാണെന്നും ഡോക്ടര്മാര് അറിയിച്ചു. കഴിഞ്ഞമാസം ആശുപത്രിയില് പ്രവേശിപ്പിച്ച ഗാംഗുലിയുടെ ഹൃദയധമനികളില് മൂന്ന് ബ്ലോക്കുകള് കണ്ടെത്തിയിരുന്നു.
