ന്യൂഡല്ഹി: മുന് കേന്ദ്ര റെയില്വേമന്ത്രിയും തൃണമൂല് കോണ്ഗ്രസ് നേതാവുമായ ദിനേശ് ത്രിവേദി രാജ്യസഭ അംഗത്വം രാജിവച്ചു. രാജ്യസഭയില് അദേഹം രാജി പ്രഖ്യാപിച്ചു. പശ്ചിമ ബംഗാള് മുഖ്യമന്ത്രി മമത ബാനര്ജിയുമായുള്ള ഭിന്നത കാരണമാണെ് രാജിയെന്നാണ് സൂചന. മമത-ബിജെപി പോര് മുറുകുന്നതിനിടെയാണ് ദിനേശ് ത്രിവേദിയുടെ രാജി. അദേഹം ബിജെപിയില് ചേരുമെന്ന അഭ്യൂഹങ്ങളുയരുന്നുണ്ട്.
നിയമസഭ തിരഞ്ഞെടുപ്പ് അടുക്കാനിരിക്കെ ബിജെപി-മമത വാക്പോരും ശക്തിയാര്ജിച്ചുവരികയാണ്. തിരഞ്ഞെടുപ്പ് തീരുന്നതിനു മുന്പ് മമത ജയ് ശ്രീറാം വിളിക്കുമെന്നാണ് ഇന്നലെ പരിവര്ത്തന് റാലിക്ക് തുടക്കം കുറിച്ചു കൊണ്ട് കേന്ദ്ര ആഭ്യന്തര മന്ത്രി അമിത് ഷാ പറഞ്ഞത്. എന്നാല് ഇതിനു പിന്നാലെ ബംഗാളില് ബിജെപി എത്ര ഗോളടിക്കുമെന്ന് കാത്തിരുന്നു കാണാമെന്ന് മമത പറഞ്ഞിരുന്നു. ബിജെപിയേയുംയും കോണ്ഗ്രസിനെയും സിപിഎമ്മിനെയും തനിച്ച് നേരിടുമെന്നും മമത പറഞ്ഞു.
