കോഴിക്കോട് : കെഎസ്ഐഎന്ഡി എംഡി പ്രശാന്ത് നായരെ പരോക്ഷമായി വിമര്ശിച്ച് ഫിഷറീസ് മന്ത്രി ജെ മേഴ്സിക്കുട്ടിയമ്മ രംഗത്ത്. എന്തിന്റെ അടിസ്ഥാനത്തിലാണ് ഡീപ് സീ ട്രോളറിനായി ഇന്ലാന്ഡ് നാവിഗേഷന് 400 കോടി ഡോളറിന്റെ ഓര്ഡര് കൊടുക്കാന് തീരുമാനിച്ചതെന്ന് മന്ത്രി ചോദിച്ചു.
ഐഎഎസ് ആയാല് ഭൂമിക്ക് കീഴിലുള്ള എല്ലാം അറിയുമെന്ന് ധാരണ വേണ്ട. ആരോട് ചോദിച്ചു. എങ്ങനെയാണ് ഇക്കാര്യം ചെയ്തത്.
കെഎസ്ഐന്സി 400 ഡോളര് നിര്മ്മിക്കുമെന്നാണ് പറയുന്നത്. ആര്ക്കുവേണ്ടി ?. മിനിമം വിവരം ഉണ്ടെങ്കില് 400 എണ്ണം ഇക്കാലത്ത് നിര്മ്മിക്കുമെന്ന് ആരെങ്കിലും കരാര് ഉണ്ടാക്കുമോ.
എന്തിന്റെ അടിസ്ഥാനത്തിലാണ് പൊതുമേഖലാ സ്ഥാപനം ഇത്തരത്തില് ഓര്ഡര് നല്കിയത് ?. മുഖ്യമന്ത്രിയോട് ചര്ച്ച ചെയ്തോ ? ഫിഷറീസ് വകുപ്പിനോട് ചര്ച്ച ചെയ്തോ ? സര്ക്കാരിന്റെ നയം അതാണോ ? നയത്തിന് വിരുദ്ധമായി ഏതെങ്കിലും ഉദ്യോഗസ്ഥന് പ്രവർത്തിക്കാമോ.. ഐഎഎസുകാര്ക്കൊക്കെ മിനിമം ധാരണ വേണം. മിനിമം വിവരമില്ലാതെ 400 ഷിപ്പ് നിര്മ്മിക്കാനാണ് കരാര്. എത്രകാലം കൊണ്ടാണ് ? മന്ത്രി ചോദിച്ചു.
ഇപ്പോള് രമേശ് ചെന്നിത്തല ഇക്കാര്യം ഉപയോഗിക്കുമ്പോള് രാഷ്ട്രീയമായ ഗൂഢലക്ഷ്യം അതിന്റെ പിന്നിലുണ്ടോ എന്ന ശക്തമായ ആക്ഷേപമാണ് തങ്ങള്ക്ക് ഉള്ളതെന്ന് മന്ത്രി പറഞ്ഞു.
