അഹമ്മദാബാദ്: ഗുജറാത്തിലെ ആറു മുന്സിപ്പല് കോര്പ്പരേഷനിലേക്ക് നടന്ന തിരഞ്ഞെടുപ്പില് ബിജെപിക്കു വന് മുന്നേറ്റം. ലഭ്യമായ ഫലമനുസരിച്ച് ബിജെപി 236 സീറ്റിലും കോണ്ഗ്രസ് 49 സീറ്റുകളിലാണ് ലീഡ് ചെയ്യുന്നത്. 576 സീറ്റുകളിലേക്കായിരുന്നു തിരഞ്ഞെടുപ്പ് നടന്നത്. അതേസമയം കാര്ഷിക നിയമങ്ങള്ക്കെതിരെയുള്ള കര്ഷകരുടെ പ്രതിഷേധം നടന്നുകൊണ്ടിരിക്കുന്ന സന്ദര്ഭത്തിലും ബിജെപിയുടെ ഈ വിജയം മവരാനിരിക്കുന്ന മറ്റു തിരഞ്ഞെടുപ്പുകളിലും പ്രചാരണായുധമാകും.
ഗുജറാത്തും അഹമ്മദാബാദ്, വഡോദര കോര്പ്പറേഷനുകളും ഭരിക്കുന്ന ബിജെപിക്ക് നിര്ണായകമാണ് മുന്സിപ്പല് കോര്പ്പറേഷനുകളിലേക്കുള്ള തിരഞ്ഞെടുപ്പ് ഫലം. 2015 ല് നടന്ന തിരഞ്ഞെടുപ്പില് ബിജെപി 391 സീറ്റിലും കോണ്ഗ്രസ് 174 സീറ്റിലുമാണ് വിജയിച്ചത്. അഹമ്മദാബാദ്, വഡോദര, ഭാവ്നഗര്, ജംനഗര്, രാജ്കോട്ട്, സൂറത്ത് എന്നീ കോര്പ്പറേഷനുകളിലേക്കാണ് തിരഞ്ഞെടുപ്പ് നടക്കുന്നത്.
അഹമ്മദാബാദിലെ 192 സീറ്റുകളില് 80 സീറ്റുകളില് ബിജെപി ലീഡ് ചെയ്യുന്നത്. കോണ്ഗ്രസ് 15 സീറ്റുകളിലുമാണ് ലീഡ് ചെയ്യുന്നത്. ജംനഗറില് 64 സീറ്റുകളില് 26 ഇടത്ത് ബിജെപിയും ഏഴിടത്ത് കോണ്ഗ്രസുമാണ് ലീഡ് ചെയ്യുന്നത്. രാജ്കോട്ടില് 72 സീറ്റുകളില് 30 സീറ്റുകളില് ബിജെപിയും എട്ട് സീറ്റുകളില് കോണ്ഗ്രസും ലീഡ് ചെയ്യുന്നു. സൂറത്തില് 120 സീറ്റുകളില് 45 സീറ്റുകള് ബിജെപി നേടി കോണ്ഗ്രസ് 10 സീറ്റും. 76 സീറ്റുകളുള്ള വഡോദരയിലും 30 സീറ്റുകളോടെ ബിജെപിയാണ് മുന്നില്. കോണ്ഗ്രസിന് ഇവിടെ 8 സീറ്റുകള് മാത്രമാണ് ലഭിച്ചത്.
